Renfeko langileen % 70ek baino gehiagok egin dute greba Euskadin
Renfek Euskadin dituen 1.000 langileetatik % 70ek inguruk egin dute bat astelehen honetan CCOO sindikatuak Espainiar estatuan deitutako grebarekin. Enpresak hitzarmenean hitzartutakoa (enplegua sortu, lanaldia murriztu eta soldata igo) bete ez duela salatzeko deitu dute greba.
Javier Ibañez CCOO sindikatuko ordezkariak jakinarazi duenez, “enpresak inposatutako gehiegizko zerbitzuak” alde batera utzita, grebaren jarraipena % 70-75ekoa izan da goizean.
CCOO sindikatuak salatu duenez, greba deialdiaren ondorioz “gehiegizko zerbitzu minimoak” jarri ditu Renfek, eta puntako orduetan aldiriko tren-zerbitzuak % 25-50 bitartean murriztu dira.
Ibilbide luzeko tren-zerbitzuei dagokienez, lau zerbitzu kendu dituzte Bizkaian, eta beste horrenbeste ere Gipuzkoan, alegia, % 62 gutxiago. Zehazki, Bilbo-Bartzelona (joan-etorria) eta Bilbo eta Vigo lotzen dituzten tren-zerbitzuak kendu dituzte Bizkaian; Gipuzkoan, berriz, Irun-Bartzelona (joan-etorria) eta Irun-Coruña (joan-etorria).
Gauzak horrela, “lanpostu berriak sortzea eta kontratazio gehiago egitea” eskatu du Ibañezek, krisi garaian “lantaldea murriztu” baita, eta azken bi urteetako kontratazioak ez direlako nahikoa. “Langileen murrizketa nabarmena izaten jarraitzen du oraindik”, azaldu du.
Hala, greba egunaren ostean enpresak “negoziazioak berriro hasteko keinu bat" egitea espero duela esan du CCOO sindikatuko ordezkariak.
Sustapen Ministerioaren esanetan, zerbitzu minimo horiek ezarri ditu "bidaiarien joan-etorri ugari espero direlako". Txartelak baliogabetzeko edo dataz aldatzeko aukera eskaini die Renfek bidaiariei.
CCOO sindikatuaren iritzian, zuzendaritzak ez ditu bete lan-hitzarmen berrian adostutako hiru abiapuntuak ("enplegua sortzea, lanaldiak murriztea eta soldatak igotzea"), eta, horren aurrean, "agortutzat" eman du negoziazioa.
Borondatezko baja bat sinatu dutenak ordezkatzen dituzte langile berriek; beraz, sindikatuak salatu duenez, Renfek ez du lanpostu berririk sortzen. Horrekin batera, CCOOk ez du begi onez ikusten Renfek bere kabuz 37,5 ordura murriztu izana lanaldia.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.