Jaurlaritzak amaitutzat eman du AHTaren Gipuzkoako tartea
Eusko Jaurlaritzak amaitu ditu Abiadura Handiko Trenaren (AHTa) Gipuzkoako tartea eraikitzeko lanak. Espainiako Gobernuko Sustapen Ministerioak Eusko Jaurlaritzari agindu zizkion lanok, eta Euskal Trenbide Sareak (ETS) egin ditu. Hori horrela, dagoeneko amaituta daude Bergara eta Hernani arteko trazatua osatzen duten 57 kilometroak. Eusko Jaurlaritzak 1.723 milioi euroko inbertsioa egin du lanok gauzatzeko.
Antzuola-Ezkio tartea amaituta, Astigarragatik Donostiara sartzeko azken zatia eta geltoki berria baino ez dira falta. Aurreikuspenen arabera, azken hori irailean lizitatuko du ETSk.
Gaur egin dute Euskal Yaren zati horren aurkezpena. Bertan izan dira Iñigo Urkullu lehendakaria, Arantxa Tapia Ekonomiaren Garapen eta Azpiegitura sailburua, Antonio Aiz Garraio sailburuordea eta Aitor Garitano ETSko zuzendari nagusia.
ETSk lanok "epearen barruan eta modu egokian" egin dituela eta, Urkulluk erakunde publikoa proposatu du "superegitura instalatzeko lanak bere gain hartzeko" eta atzerapen gehiago ez izateko.
Lehendakariaren iritzian, Sustapen Ministerioak nahiko balu "berehala hasi ahal izango litzateke trenbidea eta katenaria instalatzen Gipuzkoako tarte horretan, gure ekonomiaren lehiakortasunerako ezinbestekoa den azpiegituran atzerapen gehiago saihesteko". Nabarmendu duenez, "herritarrek ez dute atzerapen hori ulertzen, eta Arku Atlantikoko lurralde guztien garapen sozio-ekonomikoari kalte egiten dio".
Urkullu "oso pozik" agertu da azpiegitura konplexuaren eraikuntza lanetan parte hartu duten ingeniaritza enpresen eta bestelako enpresen ahalmen teknikoa ikusita. Izan ere, trazatuaren ezaugarri orografikoen ondorioz, % 70 tunel barruan egin da, eta, gainera, paisaia integratzeko esfortzu handia egin da.
Bestalde, Arantxa Tapiak gogorarazi duenez, "Korridore Atlantikoak nazioarteko lotura eskatzen du, Europar Batasunak 90eko hamarkadatik lehenetsitako azpiegitura da eta. Baina, hala ere, oraindik errealitate izatetik urrun dago". Hala, sailburuak zalantzan jarri du abiadura handiari dagokionez, Estatuak aurrera daraman politika, eta bere iritziz politika horren balantzea "urria" da. "Espainiako Estatua mundu osoan abiadura handiko sarea gutxien erabiltzen den herrialdea da, eta oraindik ez da penintsula iparraldearen eta Europaren arteko konexioa osatzeko gai izan", gaineratu du.
Sailburuak nabarmendu duenez, "Euskadik badaki egiten", izan ere, "arrakastaz, epe barruan eta modu egokian, Euskal Ya martxan jartzeko agindutako proiektuak eta lanak osatzea lortu du". Tapiaren hitzetan, "ETS aurreikusitakoaren arabera ari da bere egitekoak betetzen, eta 2023rako dena amaituta edukiko dugu".
Era berean, lehendakariak egindako eskaintza berretsi du: "Teknikoki guztiz prest gaude lan berriei ekiteko, behar adineko gaitasuna dugula erakutsi baitugu".
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.