AHTaren Bilboko lanak 2020ko ekainerako egongo dira lizitatuta, Tapiaren hitzetan
Abiadura Handiko Trena (AHT) Bilbora sartzeko eta Abandoko geltoki berria egiteko lanak "gutxi gorabehera" urtebete barru, alegia, 2020ko ekainerako, lizitatuko dituzte, Arantxa Tapia Eusko Jaurlaritzako Ekonomiaren Garapena eta Azpiegituretako sailburuak iragarri duenez.
AHTaren etorrerak Bilbo zelan aldatuko duen azaltzen duen erakusketa paratu dute Bilboko Metroaren Zazpikaleak geltokian, eta horren inaugurazioan egin zuen iragarpena Tapiak, Julian Lopez Sustapen Ministerioko Azpiegitura idazkari nagusia eta Juan Mari Aburto hiribilduko alkatea ondoan zituela.
Tapiaren hitzetan, alegazio fasean dago orain proiektua, eta izapideok gaindituta, "urtebete barru gutxi gorabehera", lizitatzeko prest egongo dira lanak.
Espainiako Gobernuak 2018ko martxoan iragarri zuenez, AHTa lurpetik helduko da Abandoko geltoki berrira. 730 milioi euroko aurrekontuarekin, 2023rako egongo da prest azpiegitura.
"Lanean jarraitu behar dugu, baina errealitate egingo dugu. Berandu, baina bagoaz", nabarmendu du sailburuak.
Aburto, Tapia eta Julián López Sustapen Ministerioko Azpiegitura idazkari nagusia. Argazkia: EFE
Tapiaren esanetan, AHTaren Bilboko sarbidea "egingarria eta anbizio handikoa" da, eta hiribilduari ekarriko dizkion onurak zehaztu ditu: historikoki trenbideak banatuta egon diren auzoak batuko ditu, eta Estaturako eta Europarako lotunea izango da.
Gasteiz eta Donostiako proiektuak hizpide, sailburuak nabarmendu du Arabako hiriburuko txosten informatiboa ekainean argitaratu dutela, eta Donostian, "azken ukituen faltan", irailerako espero dute lizitazioa.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.