Manifestazio jendetsu batek bost eguneko grebari amaiera eman dio Bilbon
Aste honetarako deitutako bosgarren greba eguna izan da Bizkaiko Metalgintzan. "Aurreko deialdietan bezala, jarraipena oso handia izan da eta berriz ere milaka eta milaka langilek Bilboko kaleak bete dituzte", ELAk ohar batean azaldu duenez. Sindikatuen esanetan, %85ko jarraipena izan du grebak bost egunotan.
Gaur goizean, hainbat pneumatiko eta bi edukiontzi erre dituzte Bizkaian. Gainera, errepideetan etenak eragin dituzte hainbat tokitan.
Eusko Jaurlaritzako Segurtasun Sailak jakitera eman duenez, 06:00ak aldera pneumatikoak erre dituzte BI-623 errepidean Izurtzan, BI-3447 errepidean Gizaburuagan eta BI-3336 errepidean Abadiñon.
Elorrion, gainera, bi edukiontzi erre dituzte: bat Besaide industrialdean eta bestea Errebonbillo kalean. Suhiltzaileek itzali dituzte garrak.
Bizkaiko metalaren sektorean ordezkaritza duten sindikatu guztiek (ELA, CCOO, LAB, UGT, ESK, CGT, USO eta CNT) manifestazioa deitu dute gaurko Bilbon. Hori dela eta, metalgintzako langileek Bizkaiko hiriburuko kale nagusiak zeharkatuko dituzte eguerdian, lan-baldintza hobeak eskatzeko.
Manifestazioa Bilboko Euskalduna zubian. EiTBko bideo batetik ateratako irudia.
Zehazki, 11:30ean, Bilboko bi puntu ezberdinetatik abiatu dira manifestarien bi zutabe: lehenengoa, San Mamesetik abiatu da, eta, bigarrena, IMQ Zorrotzaurre klinikaren eraikinaren inguruetan hasi da.
Grebaren azken egun honetan Bizkaiko hiriburuko kale nagusiak zeharkatu ondoren, metaleko langileen bi zutabeak Jesusen Bihotzean elkartu dira, eta Areatzara joan dira.
Mitxel Lakuntza, Loli Garcia eta Garbiñe Aranburu ELA, CCOO eta LABeko idazkari nagusiek, hurrenez hurren, eta Lander Martinezek (Elkarrekin Podemos) eta Oskar Matutek (EH Bildu), besteak beste, mobilizazioan parte hartu dute.
Manifestazioan, ezezagunek zenbait edukiontziri su eman diete Urkixo zumarkalean.
Mobilizazioa "arrakastatsua" izan dela uste dute sindikatuek. Langileen % 85ek greba egin dute, sindikatuen arabera. Greba deialdi gehiago egitea ez dute baztertu, baina patronalarekin negoziatzeko prest agertu dira.
"Gure helburuak mobilizazioaren eta greben bidez lortuko ditugula uste dugu: Bizkaiko sektore hitzarmen bat, lan baldintza duinak bermatzeko; ondorioz, borrokak aurrera jarraitu egin behar du", azaldu du Mikel Etxebarria ELAko ordezkariak.
Jose Maria Rojo UGTko ordezkariaren ahotan, patronalak grebaren "arrakasta" aintzat hartu beharko luke, eta negoziazio mahaian "proposamen serioak" aurkeztu. “Negoziatzen jarraitzeko gure prestutasuna agertzen dugu”, erantsi du.
Hala ere, "berriz mobilizatu behar bagara egingo dugu", ohartarazi du sindikatuko ordezkariak. Eman beharreko hurrengo pausoak aztertu behar dituztela adierazi du, baina greba deialdi gehiago baztertu barik.
Bestalde, "patronalaren bozeramailea" izatea leporatu dio Mitxel Lakuntza ELAko idazkari nagusiak Iñigo Urkullu lehendakariari. "Oso larria da", gaineratu du sindikatu abertzaleko ordezkariak.
Bizkaiko metalgintza sektorearen gatazkan, lehendakariaren jarrera hizpide izan du Lakuntzak Radio Vitorian.
"Jadanik batek ezin du bereizi, hitz egiten duena patronalaren bozeramailea edo lehendakaria bera ote den", kritikatu duenez. Lakuntzaren ahotan, Urkulluren adierazpenak "onartezinak eta zentzugabeak" dira.
ELAko idazkari nagusiaren hitzetan, "sentsibilitate falta eta urruntasun izugarria" agerian utzi dute, "harrokeriaz" gain.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.