Hezkuntza Sailak 1.148 lanpostu eskainiko ditu 2020an lan eskaintza publiko batean
Eusko Jaurlaritzako Hezkuntza Sailak Bigarren Hezkuntzako Irakasleen Kidegorako eta Lanbide Heziketako Irakasle Teknikoen Kidegorako 1.148 plazako lan eskaintza publikoa egingo du 2020an.
Hezkuntza Saileko arduradunek deialdi berria izan dute hizpide asteazken honetan sindikatuetako ordezkariekin egindako bileran, beste zenbait gairen artean, eta bertan ezagutarazi zaie sindikatuei. Eskaintza honetako espezialitateen inguruko proposamena eta horietako bakoitzeko plaza kopurua ere helarazi die Hezkuntza Sailak sindikatuei.
Hezkuntza Sailak 2020ko urte hasieran egingo du lan eskaintza publikoa, eta orduan zehaztuko ditu izena emateko epeak, proben egunak eta ezaugarriak, programazio didaktikoa aurkezteko egunak, eta garrantzizko gainerako informazio guztia.
Jaurlaritzatik agiri batean jakinarazi dutenez, 2020an zehar gauzatuko den hautapen prozesurako deialdiak jarraipena ematen die 2015etik hezkuntza arloan "etengabe eta urtero gertatu diren" aurreko deialdiei. Era honetan, Hezkuntza Sailak legealdi honetarako harturiko bi konpromisoak bete ditu: batetik, urtero lan eskaintza publiko bat egitekoa, eta, bestetik, gutxienik legealdian 5.000 plaza eskaintzekoa (azkenean, legealdi honetan 5.294 plaza eskainiko dira).
"Lan eskaintza publikoek, kalitatezko enplegua sortzeaz gain, Euskal Hezkuntza Sisteman diharduten irakasleei lan egonkortasun handiagoa ere eskaintzen die. Egonkortasun horrek, aldi berean, sendoago bihurtzen du hezkuntza sistema, irakaskuntzaren kalitatean ere eraginez", ziurtatu dute Hezkuntza Sailetik.
Indarrean den araudiak baimentzen dituen plaza guztiak eskainiko ditu Hezkuntza Sailak deialdi berrian. Aurrekoetan bezala, segurtasun eta berme juridikoa lehenesten dira eskaintza berrian ere, prestatzeko ahalegina egiten duten irakasleen lana baloratzeko asmoz. Hezkuntza administrazioaren nahia da "behin behinekotasun tasa jaisten jarraitzea" legealdi honetan zehar.
Cristina Uriarte sailburuak zuzentzen duen Sailak 1.021 plaza eskainiko ditu Bigarren Hezkuntzan: 45 Filosofian, 5 Latinean, 115 Gaztelanian, 116 Geografia eta Historian, 147 Matematikan, 81 Fisikan eta Kimikan, 44 Biologia eta Geologian, 32 Marrazkigintzan, 18 Frantsesean, 14 Ingelesean, 9 Musikan, 35 Gorputz Hezkuntzan, 36 Hezkuntza Orientazioan, 5 aholkularitza eta irudi pertsonaleko prozesuak, 8 eraikuntza eta eraikuntza, 26 lan-prestakuntza eta -orientazioa, 8 ostalaritza eta turismoa, 12 esku-hartze soziokomunitarioa, 13 antolamendu eta kudeaketa komertziala, 15 ibilgailuen antolaketa eta mantentze-prozesuak, 49 fabrikazio mekanikoko prozesuak eta antolamendua, 17 osasun-prozesuak, 6 akuikultura-hazkuntzako prozesuak, 12 sistema elektronikoak, eta 22 sistema elektroteknikoak eta automatikoak.
127, Lanbide Heziketako irakasle teknikoen kidegoan
Sukaldaritza eta gozogintza (13), Estetika (7), Zurgintzako eta altzarien fabrikazioa eta instalazioa (7), Ibilgailuen Mantentze lanak (14), Makinen Mekanizazio eta mantentzea (68), Ile-Apainketa (6), eta Soldadura (12).
Hezkuntzako ikuskariak
Bestalde, Euskal Herriko Agintaritzaren Aldizkariak asteartean argitaratu zuen Hezkuntzako Ikuskarien Kidegorako 28 plaza eskaintzen dituen deialdia. Karrerako irakasle funtzionarioei zuzenduriko deialdiaren hautaketa probak 2020ko udaberrian burutuko dira.
Eskasa
CCOO sindikatuak atzera bota du Hezkuntza Sailak aurkeztutako LEP proposamena, "behin-behinekotasuna nabarmen murrizteko" eskainitako plaza kopurua "erabat eskasa" dela iritzita.
Prentsa-ohar batean, sindikatuak "zikoizkeria" aipatu du, eta bigarren proposamen batean plaza kopurua "nabarmen" handitzea eta plaza horiek ikastetxeen errealitatera hobeto egokitzea eskatu du.
Zure interesekoa izan daiteke
Lehorteak eragindako bazka faltari aurre egiteko dirulaguntza zuzenak eskatu dituzte abeltzainek
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.
Albiste izango dira: Klima Aldaketa eta Nekazaritzaren Mahaia, afari solidarioak Donostian eta Ekialde Hurbileko gerra
Gaurkoan Orain-en albiste izango direnen laburpena, bi hitzetan.
Eusko Jaurlaritzak Enagas konpainiaren % 1 erosi du, 45 bat milioi euroren truke
Erosketa hori Indartuz funtsaren bidez egindako lehen inbertsio zuzena da.
Bizkaiko metalgintzako enpresen % 20 kolokan egon daitezkeela ohartarazi du patronalak
Metaleko Enpresen Bizkaiko Federazioaren azken txostenaren arabera, enpresen errentagarritasunak eta inbertsioak behera egin dute, eta absentismoa % 10,4koa izan da 2026ko lehen seihilekoan.
Osakidetzako gehiengo sindikalak greba egingo du udazkenean, "kolektibo guztien" lan baldintzak hobetu ditzaten eskatzeko
SMEk Osasun Sailarekin hitzartutako akordioa "partziala" dela salatuta, LAB, SATSE, ELA, CCOO eta UGT sindikatuek mobilizazioak egingo dituzte irailetik aurrera, "aparteko orduetan oinarritutako eredua ez delako jasangarria".
Zerga turistikoaren ordenantza onartuta, urtean 8 milioi euro biltzea espero du Donostiako Udalak
Jon Insausti alkateak esan duenez, helburu nagusia da hiria bisitatzen dutenek "zerbitzu publikoak, azpiegiturak, hiri-espazioak, segurtasuna eta beste jarduerak finantzatzen laguntzea, bisitarien eta donostiarren bizi-kalitatearen arteko oreka mantentzeko".
Martinezek ziurtatu du medikuen sindikatuarekin lortutako akordioa ez dela baztertzailea
Eusko Jaurlaritzako Osasun sailburuaren hitzetan, Osakidetzako gainerako kolektibo profesional guztiekin hitz egiten jarraituko du. Iraileko mahai sektorialeko bilerara joateko deia egin die sindikatuen ordezkariei.