Nafarroako Gobernuak 219 postuko lan eskaintza onartu du osasun-langileentzat
Nafarroako Gobernuak gaurko bilkuran foru dekretu bidez onartu du osasun arloko langileentzako enplegu publikoaren lan eskaintza partzial bat (2019. urteari dagokiona), guztira 219 lanposturekin. Era berean, beste 23 erreserba-txandarako bideratuko dira; horietatik 15 desgaitasuna duten pertsonentzat izango dira, eta gainerako 8ak, berriz, genero-indarkeriaren biktima diren emakumeentzat.
Dauden 219 plaza guztietatik 215 Osasunbidearentzat -Nafarroako Osasun Zerbitzua- dira eta beste 4 Nafarroako Osasun Publikoaren eta Lan Osasunaren Institutuarentzat (2 Osasun Publikoaren ikuskatzaile —albaitaritza espezialitatea— eta beste 2 erizain).
Bestalde, Osasunbideren 215 plazatatik 1 Zerbitzu Zentraletarako izango da, 70 Lehen Arretarako, 87 Nafarroako Ospitale Gunerako, 31 Tuterako Osasun Arlorako, 14 Lizarrako Osasun Arlorako eta 12 Osasun Mentalerako.
Espezialitateei erreparatuta, Osasunbideren 215 plazak honela zehaztuko dira: Arloko/Ondoko 80 fakultatibo espezialista: Psikiatriako 7, Erradiodiagnostikoko 5, Barne Medikuntzako 5, Anestesia eta Erreanimazioko 4, Hematologia eta Hemoterapiako 4, Digestio Aparatuko 3, Kirurgia Ortopedikoko eta Traumatologikoko 3, Mikrobiologia eta Parasitologiako 3 eta Onkologia Medikoko beste 3. Horiz gain, 2 plaza izango ditu ondorengo espezialitate bakoitzak: Analitika Klinikoa, Anatomia Patologikoa, Kardiologia, Kirurgia Orokorra eta Digestio Aparatua, Kirurgia Plastikoa, Dermatologia Mediko-Kirurgikoa eta Beneorologia, Endokrinologia eta Nutrizioa, Ospitaleko Farmazia, Medikuntza Intentsiboa, Medikuntza Nuklearra, Nefrologia, Neurofisiologia Klinikoa, Oftalmologia, Otorrinolaringologia, Pediatria eta haren arlo espezifikoak, Ospitaleko Erradiofisika eta Erreumatologia.
Halaber, plaza 1 izango dute espezialitate hauetako bakoitzak: Angiologia eta Kirurgia Baskularra, Kirurgia Pediatrikoa, Bularraldeko Kirurgia, Genetika, Medikuntza Fisikoa eta Errehabilitazioa, Neumologia, Neurokirurgia, Neurologia eta Urologia.
Lehen Arretako 26 Espezialista (LAE): Lehen Arretako 23 Mediku eta Lehen Arretako 3 Pediatra.Era berean, Larrialdietako medikuei (12) dagokienez, 10 plaza egongo dira Larrialdietako Zerbitzu Berezirako eta beste 2 Larrialdietako Ohiko Zerbitzurako.
70 plaza Erizaintzarako (horietatik 5 espezialitate obstetriko-ginekologikorako -emagina-). 27 plaza bestelako osasun-espezialitateetarako: 7 plaza Erradiologiako Teknikari Espezialistarako, 6 plaza Psikologo Espezialista Klinikorako, 6 plaza Anatomia Patologikoko Teknikari Espezialistarako, 4 biologo klinikorako eta 4 Fisioterapeutarako.
Modu berean, 23 plaza erreserbatuko dira; horietatik 15 %33ko edo hortik gorako desgaitasuna duten pertsonentzat izango dira eta gainerako 8ak genero-indarkeriaren biktimak diren emakumeentzat.
Zehazki, desgaitasuna duten pertsonentzako 15 plaza honela banatuko dira: Barne Medikuntzako 1, Psikiatriako 1, Erradiodiagnostikoko 1, Lehen Arretako Mediku bezala lan egiteko 1, Larrialdietako Zerbitzu Bereziko Mediku izateko 1, Larrialdietako Ohiko Zerbitzurako 1, 5 plaza Erizaintzarako, plaza 1 Fisioterapeutarentzat, plaza 1 Anatomia Patologikoko Teknikari Espezialistarentzat eta 2 plaza Erradiologiako Teknikari Espezialistarentzat.
Bestalde, genero-indarkeriaren biktimak diren emakumeentzako 8 plaza honela banatuko dira: 4 plaza Erizaintzarako, 2 plaza Anatomia Patologikoko Teknikari Espezialistarentzat eta beste 2 plaza Erradiologiako Teknikari Espezialistarentzat.
Zure interesekoa izan daiteke
Gipuzkoan, hiru kontrataziotik bi goi-mailako ikasketak dituzten pertsonentzat izango dira
Unibertsitatera joan direnek edo graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostu hutsak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.