Ekonomia egonkortu egingo dela eta % 1,9 haziko dela 2020an iragarri du Jaurlaritzak
Eusko Jaurlaritzak mantsotze ekonomikoaren amaiera eta egonkortasunaren hasiera antzeman du euskal ekonomian, Ogasun eta Ekonomia Sailak gaur argitaratu duen txostenean agertzen denez.
Hala, 2019ko hazkundea % 2,2koa eta 2020koa % 1,9koa izango dela espero dute. Azken horren kasuan, irailean aurreikusitakoa baino hamarren bat txikiagoa da.
Enpleguari dagokionez, 2019an eta 2020an % 1,6 eta % 1,2 haziko omen da, hurrenez hurren. Hau da, 2019an 15.500 lanpostu eta 2020an 11.500 lanpostu sortuko direla aurreikusi dute.
Langabeziaren aurreikuspenak hobetu egin dira, eta % 9,7an kokatuko omen da 2019an, eta % 9,6an 2020an, irailean aurreratutakoa baino bi hamarren beherago.
2019ko hirugarren hiruhilekoan euskal ekonomia % 2,1 hazi zen, lehenengo seihilekoan baino hamarren bat gehiago. Horrek Barne Produktu Gordinaren nolabaiteko egonkortasuna erakusten du, urte osorako datuak % 2,2ari eusten baitio.
Esportazioen eta inportazioen balantzea ia neutroa da: nazioarteko merkataritzari eragiten dieten mehatxuak, 'brexit'ak eta Txinaren eta AEBen arteko gerra komertzialak, konpontzeko bidean daude, baina hirugarren hiruhilekoan puri-purian zeuden eta euskal enpresen salerosketei eragin zieten.
Erresuma Batsua da kanpoko merkataritzan EAEk bizi duen geldialdiaren salbuespena. Merkatu horretan % 38 hazi ziren euskal produktuen salmentak hirugarren hiruhilekoan.
Hazkunde horren oinarrian trenbide bidezko ibilgailuen salmenta dago, 222 milioi euro jaso baitzituen euskal industriak bide horretatik.
2020an industriak bere onera itzultzen jarraituko duela espero da, % 1,1eko hazkundearekin hain zuzen ere (aurten baino lau hamarren gehiago). Eraikuntzaren eta zerbitzuen sektoreek, berriz, behera egiten jarraituko omen dute.
Zure interesekoa izan daiteke
Medikuek mahai sektoriala egin dadin eskatu dute “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.