LAB: "Langileen osasuna zaintzeko aukera paregabea galdu du Eusko Jaurlaritzak"
LAB sindikatuaren iritziz, "langileen osasuna zaintzeko asmoz salbuespenezko neurriak hartzeko aukera paregabea galdu du Eusko Jaurlaritzak". Izan ere, enpresetan kontrol gehiago jarri ordez "patronalaren eskutik jarraitzea" eta "osasunaren defentsa langileen esku uztea" erabaki du.
Prentsaurreko telematiko batean, Eulate Zillonizaurrekoetxea LABeko Industria Federazioko idazkariak salatu du Eusko Jaurlaritzaren jarduera abiatzeko gidak "porrot" egin duela, multinazional handiak "lehenesten" dituelako funtsezko zerbitzuen eta osasunaren alde egin beharrean.
Bere esanetan, "neurri orokor asko eta zehaztapen gutxi" jasotzen dituzte gida horretan. Sindikatuak orain arte jarritako salaketei erantzunik ez ematea leporatu dio Jaurlaritzari.
Horren harira, "funtsezkoa ez den jarduerari berrekin aurretik dozena bat salaketa baino gehiago aurkeztu ziren, eta lau erantzun baino ez dira egon, eskuak garbitzeko". Hala, bide horrek ez duela "ezertarako" balio uste du LABek, eta, ondorioz, "langileek enpresetan duten borrokan" jarri behar da arreta, baina horrek ez du esan nahi "salaketa gehiago" jarriko ez dituztenik, Volkswagenen azpikontraten aurka aurkeztuko dutena bezala.
"Nola da posible hainbeste egunen ondoren funtsezko jarduerei buruz jarritako salaketak oraindik erantzun gabe egotea?", galdetu du sindikatuak. "Ez dugu non salatu, ezta langileen osasuna babestuko duen inor ere", gaineratu du.
Hori dela eta, jarduerari berrekiteko planen jarraipena egiteko "neurri zehatzak" har ditzala eskatu dio Eusko Jaurlaritzari, eta argitu dezala koronabirusaren aurrean "behar adina neurri hartzen ari ez diren enpresekin zer gertatuko den".
Gainera, Ekonomiaren Garapen eta Azpiegitura Sailari gogorarazi dio "osasunari eta ekonomiari buruzko eztabaida aurretik" datorrela, eta "AHTn hainbeste diru eta osasunean hain gutxi inbertitzea orain agerian" dagoela.
LABen ustez, "jarduera suspertzeko eta oinarrizko zerbitzuetako langileen osasuna ez bermatzeko helburuak nabarmenago egiten du hori". Eusko Jaurlaritzako Osasun Sailak hartutako erabakiak ere kritikatu ditu, "patronalaren eskutik doazelako".
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.