6.400 langabe gutxiago zenbatu dituzte Hego Euskal Herrian lehen hiruhilekoan
Langabeen kopuruak behera egin du urteko lehen hiruhilekoan EAEn, 4.500 pertsona gutxiago (% 4,84) zenbatu baitituzte langabezian. Guztira, 88.800 langabe daude Euskadin, Estatistikako Institutu Nazionalak (INE) astearte honetan argitaratutako Biztanleria Aktiboaren Inkestaren arabera.
Aurreko hiruhilekoarekin alderatuta, Estatu osoan izandako langabeen beherakadarik handiena zenbatu du EAEk.
Aurreko urteko hiruhileko berdinarekin alderatuta, 10.800 langabe (% -10,86) gutxiago zenbatu dituzte EAEn. Hala, 2020ko lehen hiru hilabeteak amaitzean, langabezia-tasa % 8,72ra iritsi da Euskadin.
Euskal Autonomia Erkidegoko biztanleria aktiboak % 0,76 (7.800 pertsona gutxiago) egin du behera aurreko hiruhilekoarekin alderatuta eta aurreko urtearekin alderatuta % 1,62 (16.700 aktibo gutxiago) jaitsi da. Hala, jarduera-tasa % 55,28koa izan da (% 59,46 gizonen artean eta % 51,43 emakumeen artean).
Urtarrila eta martxoa bitartean, aurreko hiruhilekoan baino 3.300 landun gutxiago zenbatu dituzte Euskadin, hau da, % 0,35 gutxiago. Beraz, guztira 930.000 langabe daude (482.900 gizon eta 447.100 emakume). 2019ko epe berarekin alderatuta 5.900 pertsona (% -0,63) gutxiago daude lanean.
Nafarroa
1.900 langabe gutxiago zenbatu dituzte Nafarroan urteko lehen hiruhilekoan, aurreko hiruhilekoarekin alderatuta, eta egun 26.600 langabe daude, Estatistikako Institutu Nazionalaren datuen arabera.
2019ko lehen hiruhilekoarekin alderatuta, 1.300 langile (% 4,97) gehiago daude lanik gabe.
Estatuan, 121.000 langabe gehiago daude urteko lehen hiruhilekoan, hau da, aurreko hiruhilekoan baino % 3,8 gehiago, eta 285.600 lanpostu (% -1,4) gutxiago, martxoaren erdialdetik aurrera osasun krisiak eta alarma-egoerak izandako eragina dela eta. Bi kasuetan, langabezia- eta enplegu-erregistrorik okerrenak izan dira 2013tik.
Erreakzioak
Carmen Maeztu Nafarroako Eskubide Sozialen kontseilariak begi onez jo ditu langabeziari buruzko datuak, nahiz eta COVID-19aren "eragin handiaren oso zati txikia" jasotzen duten, Nafarroa krisiaren aurretik "egoera onean" zegoela eta "hobeto suspertzeko indargune handiak" dituela erakusten dutelako.
1.900 langabe gutxiago daudela eta, Maeztuk azpimarratu du "litekeena dela" lanpostua galdu dutenetako asko "ez aktibo" gisa hartzea, "langabe gisa hartzeko baldintzak betetzen ez dituztelako".
Bestalde, Mitxel Lakuntza ELAren idazkari nagusiak esan du "oraindik ikusteke" dagoela zein izango den langabeziaren eboluzioa osasun krisiaren ostean, eta "arazo handienetako bat" izango dela uste du.
Gainera, gogor kritikatu du "gure lan merkatuaren ezaugarri nagusietako bat behin-behinekotasuna izatea", "beste herrialde batzuek ez duten gaitza" delako, eta "kolpe batean jende asko kalera joatea" ekartzen duelako.
LABek ohartarazi du koronabirusaren krisiari aurre egiteko ezarri diren neurriekin enpleguaren galera "erraldoia" izango dela, eta horrek "prekarietate eta txirotasun egoeren zabalkundea azkartu" egingo duela. Gainera, langabeziari buruzko datuek ez dutela "egungo errealitatea islatzen" adierazi du.
Ohar batean, sindikatuak gogorarazi du "behin baino gehiagotan" salatu dituela "2008ko krisian hartutako erabakien ondorioak".
UGTk ere, uste du enpleguri buruzko datuak "ilusio bat" direla, eta ez dutela "zerikusirik egungo errealitate gogorrarekin eta bigarren hiruhilekoko datuetan ikusiko denarekin".
CCOO Euskadik, berriz, krisian ezarritako neurriak bertan behera geratzen direnean "kaleratze ugari" egoteko arriskua dagoela uste du, eta datuetan koronabirusaren eragin osoa atzematen ez bada ere, "nabari" dela "adostutako neurriei esker lanpostuei eutsi zaiela".
Zure interesekoa izan daiteke
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.