Ezkortasuna eta haserrea nagusi ostalaritzan, deseskalatzearen aurrean
Espainiako Gobernuak osatu eta Pedro Sanchezek aurkeztu zuen deseskalatze prozesuak ostalaritza sektorearen errefusa jaso du, urruntze sozialak eta higiene neurriek sektore horretan eragiten baitute kalte handiena.
Maiatzaren 11n hasiko da deseskalatzea ostalaritzan, baina jatetxe eta tabernek terrazen erdiak bakarrik ireki ahalko dituzte, eta hoteletan espazio komunak itxita egongo dira. Hurrengo fasean, gauzak ondo bidean, bi aste geroago, jatetxeetako barrualdeak irekitzen hasiko dira, bezeroen arteko distantziak zainduz.
Nafarroako ostalarien elkartearentzat "adar jotzea" da egitasmoa, eta Bizkaiko elkartean uste dute neurri horiekin batera "beste neurri batzuk beharrezkoak" direla "enpresek bizirauteko (aldi baterako lan-erregulazioko txostenei eustea, ekintza protokoloak, alokairuak konpontzea, etab.)". Gainera, Bizkaiko ostalarien elkartearen esanetan, "egoera aldatzen ez bada, bideragarria den aukera bakarra ez irekitzea izango da".
Gipuzkoatik Espainiako Gobernuaren jokabidea ere kritikatu dute, ez delako sektorearekin "adostu", eta horregatik "haserre" agertu dira. Izan ere, krisiaren ondorioz establezimenduen % 15ek ateak itxi beharko zituztela aurreikusten bazuten ere, deseskalatzeko egitasmoarekin kopuru hori % 30-40ra igo daitekeela pentsatzen dute.
Nafarroan ezin dute ulertu "nola nahi duten irekitzea, terrazaren erdia irekita enpresa bat errentagarria izatea, edo nola nahi duten maiatzaren 11n hotelak martxan egotea mugikortasuna debekatuta baldin badago". Horren harira, Gipuzkoatik gogorarazi dutenez, "ez da turismorik egongo, krisiak erosteko ahalmena jaitsiko du", eta horri "kontsumitzaileen beldurra" gehitu behar zaio.
Aurkeztutako deseskalatze planak aurreikusten dituen datez ez dira fio ostalaritza elkarteak. "Gobernuak berak ere ez daukala argi uste dugu", adierazi dute Bizkaian, eta "noiz bezain garrantzitsua nola da", gaineratu dute. Hor jarri du azpimarra Gipuzkoako ostalarien elkarteak, eta "ziurgabetasun" horren aurrean, "laguntza neurri zehatzak bermatu behar zaizkio sektoreari, negozioak eta enplegua mantendu ahal izateko", horren arabera.
Laneko osasunari eta segurtasunari dagokienez, Nafarroako elkarteak salatu du ez dutela patronalak Turismo Ministerioarekin adostutako higiene plana aintzat hartu, eta "ez dugu ez maskararik ez norbera babesteko ekiporik", gaineratu dute.
Arabako Ostalarien Elkarteak ez du gaiaren inguruko iritzirik eman nahi izan, baina Arabako Merkataritza Ganberak inkesta bat egin du enpresen artean. Ostalarien % 95ek erantzun dute likidezia arazoak aurreikusten dituztela epe motzean, % 9,4k uste dute itxi egin beharko dutela, eta herenak esan du lau langiletik bat kalera joango dela.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.