Errentaren kanpaina gaur hasiko da Bizkaian, itzulketen erdia gauzatuta jada
Errentaren kanpaina gaur, astelehena, hasiko da Bizkaian, hamar aitorpenetik lau dagoeneko eginda eta itzulketen erdiak gauzatuta, Bizkaiko Foru Aldundiak ohar baten bidez jakinarazi duenez.
Bizkaian, 580.000 PFEZ aitorpen aurkeztuko dira, eta, errentaren kanpainaren lehen egunetan, 230.000 zergadunek jasoko dituzte itzulketak: guztira, 215 milioi euro.
Foru Ogasunak kanpaina osoan itzuli asmo dituen 432 milioien erdia da kopuru hori.
Gainerako zergekin bezala, PFEZari dagokionez ere, itzulketak egiteko prozesua bizkortzen ari da Foru Ogasuna, horrela sustatzen baitu zergadunen likidezia COVID-19aren osasun-larrialditik sortutako krisi ekonomikoa dugun honetan.
Itzulketak lasterragotzeko ahalegin hori langile autonomoei zuzendu zaie bereziki; horregatik, kanpaina honetan, Errenta Etxean proposamenen hartzaile-taldean sartu dira, PFEZa lehenago itzul dakien, hain zuzen ere.
Hala, aurreneko itzulketen artean, 26.000 langile autonomoenak eta haien ezkonlagunenak daude: 28 milioi euro itzuliko zaizkie horiei, maiatzaren lehen egunetan.
Kanpaina hastearekin batera, errenta-aitorpena Internet bidez aurkezteko epea irekiko da. Horretarako, webgune horretako laguntza-programa eta datu fiskalen deskarga erabili behar dira.
Aukera hori 161.000 aitorpen baino gehiago egiteko erabili zen iazko kanpainan, guztien herenak, eta beste 117.000, berriz, errenta egiteko doako zerbitzuaren bitartez aurkeztu ziren bankuetan.
Aurtengo kanpainan, geroratu egin da aurrez aurreko zerbitzua, osasun-larrialdiak berriz martxan jartzen utzi arte; larrialdia amaitzean amaituko da kanpaina ere.
Laguntza indartzeko eta aurrez aurreko arreta ematen den bulegoen itxiera arintzeko hartu dituen neurrien artean, Foru Ogasunak pertsona gehiago jarri ditu errentarekin laguntzeko telefonoari erantzuten (94 608 3000).
Apirilean, errenta-kanpainarekin zerikusia duten 94.664 deitik gora hartu dira telefono horretan, iazko aldi berean baino % 50 gehiago.
Errenta-kanpaina honetako berritasunetatik bat Bak gakoa aktibatzeko zerbitzua da. NAN zenbakiak eta pasahitz batek osatzen duten gako pertsonal eta besterenezin bati esker, segurtasunez egin daiteke edozein izapide Foru Ogasunaren bulego birtualean, bai eta beste online izapide batzuk ere Aldundiarekin.
Apirilaren 6tik, 22.000 pertsonak baino gehiagok aktibatu dute Bak gakoa errentaren webgunean, horretarako errenta-gakoa edo Errenta Etxean proposamenei atxikitako kode bat erabiliz.
Errentaren kanpainan, Foru Ogasunak aurreikusten du 580.409 aitorpen izapidetzea; haietatik 397.669 (% 68) itzultzekoak izango dira, eta 431.675.300 euro itzuliko dira guztira. Hau da, batez beste 1.085 euro itzuliko dira.
Ogasuna maiatzeko lehenengo astean hasiko da zergadunaren aldeko emaitza duten aitorpenei dagokiena itzultzen. Ordaintzekoak diren aitorpenen zenbatekoa, berriz, kanpainaren azken egunean kobratuko da.
Gaurtik aurrera, ondarearen gaineko zergaren aitorpena aurkezteko kanpaina egingo da ere, eta Foru Ogasunak ez du espero alde handirik izatea iazko kanpainarekin alderatuta. Guztira, 7.500 aitorpen lirateke, eta emaitza, berriz, 74 milioi euro. Ondarearen gaineko zergaren aitorpena Internet bidez aurkeztu behar da, nahitaez.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.