Sindikatuek patronalaren "blokeoa" salatu eta mobilizazioak iragarri dituzte
Gizarte ekimeneko itunpeko ikastetxeetako patronalaren “blokeoa eta asmo txarra” salatu dute ELA, Steilas eta CCOO sindikatuek, eta “tresna guztiak” martxan jarriko dituztela ohartarazi dute, “baita mobilizazioa ere”. Patronalek azaroan sinatutako “akordioak onartzeko” asmorik azaldu ez dutela kritikatu, eta Hezkuntza Sailaren “arduragabekeria eta geldotasuna” salatu dute, langileen “birkokapenerako akordioa galbidera” eramaten ari direlako.
Iragan osteguneko negoziazio mahaian “patronalen jarrera aldaketarik” izan ez zela deitoratu dute sindikatuek ohar batean. “Hezkuntza Sailaren erantzunik jaso gabe jarraitzen dugu”, erantsi dute.
Horregatik, “sinatutako akordioak betearazteko eskura ditugun tresna guztiak martxan jartzeko erabakia hartu dugu, mobilizazioa barne”, iragarri dute.
Azaroaren 9an gehiengo sindikalak eta patronalak akordioa itxi zuten, “lan gatazka gogorraren ostean”, Euskadiko itunpeko ikastetxeentzako “akordio bikaina” zen, “eduki oso garrantzitsuekin” eta langileen lan baldintzen “hobekuntza nabarmenarekin”, ELAk, Steilasek eta CCOOk gogorarazi dutenez.
Horren harian, akordioarekin “galdutako erosteko ahalmenaren ia erdia” berreskuratu zutela nabarmendu dute, kolektibo ezberdinentzako egindako lanordu pertsonalaren aitortza, % 75eko erretiro partziala eta ordezko guztiek % 100eko lanaldia eta kontratu mugagabea izatea, eta matrikulazio eskasagatik lanpostua gal dezaketen beharginak birkokatzeko irizpide objektiboak eta bermeak.
Era berean, akordioarekin “oztopo historikoak” gainditzea lortu zutela aintzat hartu dute sindikatuek, “soldatak eta lan baldintzak finantziazio publikoarekin lotzeko patronalen betiko asmoa esaterako”.
Patronalek eta sindikatuek birkokapenei buruzko akordioa Hezkuntza Sailarekin sinatu zutela gogorarazi dute, helburuak eta prozedurak zehaztuz.
Azken hilabeteetan, “grebari amaiera” eman zion akordioaren sindikatu sinatzaileak Kristau Eskola eta IZEA patronalekin akordioetara heltzen saiatu dira, bileretan zein negoziazio mahaian, “hitzarmenean adostutako neurrian edukiak” zehazteko helburuarekin. Hala ere, “ez da erraza izan, patronalak ez duelako adostutakoa onartzeko borondaterik agertu, eta prozesua etengabe oztopatzen eta atzeratzen saiatu delako”.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.