Volkswagen Navarra normaltasunera itzuli da langile guztien itzulerarekin
Nafarroako Volkswagenek eguneko hiru txandak berreskuratu ditu gaur. Beraz, lantalde osoa bueltatu da lanera, aldi baterako lan-erregulaziotik kanpo jada, eta ekoizpen-aurreikuspenak onak dira; izan ere, hemendik gutxira, baliteke langile gehiago kontratatzea.
Ostegunean, COVID-19aren aurkako neurrien jarraipena egiten duen Batzorde Mistoak bilera egin zuen. Langileen ordezkariak eta enpresako Zuzendaritza batu ziren; azken horrek astelehen honetatik aurrera fabrikak hiru txandatan lan egingo zuela baieztatu zuen. Martxoan, ekoizpena gelditu egin zuten, COVID-19agatik, eta udaran bigarren txanda berreskuratu zuten.
Kontuan izanik aurreikuspenak onak direla eta salmentek gora egin dutela, Zuzendaritzak, bileran, iragarri du Alemaniako bulego nagusitik eskatu dutela Landabenek aztertzea goranzko malgutasun-neurriak abiatzea; besteak beste, etenaldi-lekualdaketak. Horrek langile gehiago kontratatzea ekarriko luke.
Ohar batean, Nafarroako Volkswagenek hemendik gutxira emango dutela jakitera etenaldi-lekualdaketak noiz abiatuko dituzten azaldu du, bai eta zein txandatan ezarriko diren. Lehenago, Alemaniatik baieztatu behar dute 2020rako programako autoen behin betiko kopurua.
Etenaldi-lekualdaketek ekarriko lukete aldi baterako langileak kontratatzea; hala, beharginen atsedenaldia erraztuko lukete, ekoizpena gelditu gabe. Txanda bakoitzean egindako autoetan, beraz, gorakada egongo litzateke.
"Hirugarren txanda abiatuz, Nafarroako Volkswagenek pandemiaren aurreko ekoizpen-jarduerarako buelta-prozesua burutuko du; langile guztien segurtasunak eta prebentziozko neurriak betetzeak, orain arte bezala, lehentasuna izaten jarraituko dute", adierazi dute enpresatik.
Jarduera etenda, martxoaren 15etik apirilaren 26ra arte
Martxoaren 15ean, ekoizpena bertan behera utzi zuten, COVID-19aren krisiagatik hartutako neurriengatik. Nafarroako Volkswagenek apirilaren 27an berreskuratu zuen ekoizpen-jarduera, lan-txanda batekin (06:00etatik, 14:00etara), osasun-agintarien zehaztutako prebentziozko eta segurtasun-neurri guztiak zainduta. Bigarren txanda ekainaren 3an berreskuratu zuten, 14:00etatik 22:00etara arte.
Ordutik, Nafarroako Volkswagenek, egunero, 1.054 autoko ekoizpen-programa bete du; T-Cross eredua horien % 55 izan da, gutxi gorabehera, eta gainerakoak, % 45, Polo eredua.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.