COVID-19ko 175 positibo berri atzeman dituzte Tuterako harakintza-enpresa batean
Uvesa harakintza-enpresaren Tuterako fabrikan egindako baheketan, COVID-19ko 175 positibo berri atzeman dituzte. Lan-arloan Nafarroan orain arte izandako agerraldirik handiena da, eta baheketa langileen artean hainbat positibo detektatu ostean egin dute.
Agerraldia atzemanda, Uvesa Taldeak ziurtatu du "prebentziozko neurri guztiak" hartu dituela, eta beharrezko protokolo guztiak jarraitu; halaber, agintarien eskura jarri da, "balizko konponbiderik onenak bilatzeko".
Hala ere, CC. OO. sindikatuak salatuta zuen, Lan Ikuskaritzaren aurrean, fabrika horretako langileak "ziurtasun-gabeziako egoeran" zeudela, COVID-19ari begira; halaber, ohartarazi zuen oinarrizko segurtasun-neurriak ez zirela betetzen ari, segurtasun-tartea edo maskara erabiltzea kasu, ez ekoizpen-lerroetan ezta jantokian ere. Hegaztiak prozesatzen dituzte lantegian.
Fabrikan, baheketa gauzatu dute, probetako "kopuru nabarmena" eginez; baina ez diete langile guztiei PCR probarik egin, Santos Indurain Nafarroako Gobernuko Osasun kontseilariak asteazkenean zehaztu zuenez. Indurainen esanetan, PCRak borondatezkoak dira, eta, gainera, hainbat langile oporretan daude.
Azkenean, Foru Gobernuak ostegun honetan jakitera eman duenez, 175 positibo atzeman dituzte, lantegian egindako baheketa berezitik etorritako 640 laginak aztertuta.
Osasun Departamentua hartu beharreko neurriak ari da aztertzen, enpresako zuzendaritzarekin. ELA sindikatuak (gehiengoa du, zortzi ordezkarirekin; CC. OO. sindikatuak bost ditu, eta UGTk lau), baina, "jarduera segituan etetea" eskatu du, "fabrikako langileentzako eta horien senideentzako berehalako arriskua baitago, bai eta Erriberako gizartearentzako arriskua ere".
Enpresak ez balu erabaki hori hartuko, eta CC. OO. sindikatuak ere egin duenez, ELAk eskaria egingo lieke Nafarroako osasun-agintariei azken horiek esku har dezaten, eta ekoizpena eten dezaten, langileen eta horien familien segurtasuna bermatuta izan arte. Gehitu duenez, geldiketa horren ondorioak enpresak hartuko beharko lituzke bere gain.
800 langile baino gehiago
Enpresan, berezko kontratuak eta azpikontratatutako langileak zenbatuta, 800 langile baino gehiago daude. ELAren esanetan, hegazti-hiltegi hori, tenperaturaren eta kate-lanaren baldintzengatik, birusa hedatzeko oso aproposa da, munduko beste zenbait tokitan frogatu denez.
Osasun Publikoko eta Lan Osasuneko teknikariak eta Lehen Mailako Arretako taldeak, aldiz, kontaktuen jarraipena ari dira egiten. Positibo eman duten batzuk ez dira Nafarroan bizi, baizik eta Aragoin, Sorian edo Errioxan, eta horrek zailtasun handiagoa gehitu dio agerraldi honetako kudeaketari; Nafarroako Gobernuak azaldu duenez, proba egin dioten lantaldeko zatiaren adin-tarteei erreparatuta, eta kontuan izanik zenbat positibo atzeman dituzten, jarraipena baldintzatuta dago.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.