ITP Aerok 194 langile kaleratu nahi ditu Zamudion
Osagai aeronautikoak ekoizten dituen ITP Aero enpresak 194 langile kaleratu nahi ditu Zamudioko lantegitik, kontratuak hausteko erregulazio espediente baten bidez, ELA sindikatuko ordezkari batek Euskadi Irratiari jakinarazi dionez.
Bizkaian lau planta ditu ITP Aerok (Zamudion, Sestaon, Barakaldon eta Derion), eta 1.900 pertsona daude lanean gaur egun lantoki horietan; horietatik, 1.269 Zamudion. Asteazken honetan zuzendaritzak sindikatuei aditzera eman die Bizkaiko Zientzia eta Teknologia Parkeko egoitzan dauden beharginen % 15 kaleratzeko asmoa duela.
Negoziazio mahaiak bilera telematikoa egin du gaur, eta bertan jaso dute sindikatuek epe laburrean egin nahi dituzten kaleratzeen berri, ELAk azaldu duenaren arabera.
Baliogabetzat jo dute Barakaldoko eta Sestaoko enplegu erregulazioko espedientea
Irailaren 3an egindako epaiketaren ondoren, epaitegiak baliogabetzat jo du ITP Aero enpresaren Barakaldoko eta Sestaoko lantegietan izandako lan kontratuen etete kolektiboa, LABek aurreratu duenez.
Epaiak dio enpresak "berehala" kontratatu beharko dituela aldi baterako kontratu gabe utzi zituen beharginak, eta berriro lanean hasi arte jaso ez duten soldata ere ordaindu beharko diela.
"Azpimarratu nahiko genuke epaiak aldi baterako lan erregulazio espedienteari bete-betean eragiten diola, hau da, argi uzten du ez zegoela enplegu erregulazioa luzatzeko beharrik. Horregatik, uste dugu ez zela beharrezkoa neurri hori hartzea, langileengan izan dituen ondorioak kontuan izanda", adierazi du LABek ohar baten bidez.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.