KALERATZEAK
Gorde
Kendu nire zerrendatik

Lau eguneko greba deitu dute ITP Aero lantegian, kaleratzeak salatzeko

ELAk lau eguneko greba deitu du ITP Aero enpresan, kaleratzeak ekiditeko. Irailaren 15ean, 17an, 22an eta 24an egingo dira lanuzteak. Gainera, manifestazioa deitu du larunbaterako, Bilbon.
Zamudioko ITP Aero lantegia. Argazkia EFE
Zamudioko ITP Aero lantegia. Argazkia EFE

ELAk lau eguneko greba deitu du ITP Aero enpresan kaleratzeak ekidin eta Estatu osorako negoziazio-mahai bakarra egotearen aurka egiteko. Irailaren 15ean, 17an, 22an eta 24an egingo dituzte lanuzteak. Konpainiak Bizkaiko lau herritan ditu instalazioak: Zamudion, Barakaldon, Sestaon eta Derion.

Rolls Royce talde britainiarrak du ia bere osotasunean ITP lantegiaren jabetza. 4.000 langilek osatzen dute plantilla, eta kaleratzeek 600 pertsonari eragingo liekete. Egun indarrean dauden aldi baterako erregulazioak amaitzen direnean hasiko lirateke langileak kaleratzen.

Estatu mahaian negoziatuko den enplegu erregulazio baten bidez egingo dituzte kaleratzeok, ELAren esanetan, eta Zamudioko eta Madrilgo bi enpresatan izango luke eragina. Zamudioko egoitzatik haratago negoziaketak egitearen aurka dago ELA.

"Ez ditugu kaleratzeak onartzen eta ez dugu gure etorkizuna gurea ez den mahai batean erabakitzea nahi. Horregatik, lau eguneko greba deitzea baino ez zaigu geratzen. Enpresak hausnarketa egin eta enplegu erregulazio hori bertan behera uzteko presioa egiten jarraituko dugu", ohartarazi du sindikatuak.

Grebaz gain, datorren larunbaterako manifestazioa deitu dute Bilbon.  

 

Zure interesekoa izan daiteke

La secretaria general de Podemos, Ione Belarra, acompaña a los representantes del Comité de Empresa de Tubos Reunidos frente al Congreso de los Diputados, a 17 de junio de 2026, en Madrid (España). Podemos y el comité de empresa de Tubos Reunidos en Amurrio (Álava) han presentado una iniciativa en el Congreso de Diputados, en la que se proponen medidas para asegurar la continuidad de la empresa, que actualmente se encuentra en concurso de acreedores.



Marta Fernández / Europa Press

17/6/2026
18:00 - 20:00
ZUZENEAN
Duela  min.

Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan

Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.

Gehiago ikusi
Publizitatea
X