2.517 langabe gutxiago zenbatu dituzte irailean EAEn eta Nafarroan
2020ko abuztuko datuekin alderatuta, 2.517 langabe gutxiago daude enplegu zerbitzu publikoko bulegoetan izena emanda Euskal Autonomia Erkidegoan (EAE) eta Nafarroan, Espainiako Gobernuko Enplegu eta Ekonomia Sozialeko Ministerioak gaur emandako datuen arabera. Hala, guztira, 182.903 pertsona daude lan barik Hego Euskal Herrian.
Datuak xehatuta, EAEn 1.692 gutxiago daude Lanbiden erregistratuta (% 1,16 gutxiago), eta guztira, 144.758 pertsona daude lan barik. Nafarroan, 825 pertsonakoa izan da beherakada (aurreko hilabetean baino % 2,12 gutxiago). Denera, 38.145 pertsona daude erregistratuta Nafar Lansare-Nafarroako Enplegu Zerbitzuan.
Bestelakoa da egoera 2019ko iraileko datuekin erkatuz gero, eta hor agerikoa da COVID-19aren eragina. Izan ere, bi erkidegoetan gora egin du langabeziak: 38.832 langabe gehiago.
Datuak lurraldez lurralde aztertuz gero, eta betiere aurreko hilabeteko datuekin alderatuta, Nafarroan jaitsi da gehien langabezia (% 2,12). Bizkaian % 1,54 eta Gipuzkoan % 1,37 egin du behera. Araban, aldiz, % 0,45 hazi da langabe kopurua.
EAEko eta Nafarroako datuak, eitb.eus-ek egindako grafiko batean.
Urte arteko bilakaerari erreparatuta, lau lurraldeetan egin du gora langabeziak: % 32,43, Araban; % 32,18, Gipuzkoan; % 25,35, Nafarroan, eta % 23,73, Bizkaian.
Espainiako Estatuko datuei dagokienez, 26.329 pertsona gutxiago daude lan gabe (% 0,7 gutxiago), eta 1996tik inoizko irailik onena da 2020koa. Lan merkatuak 84.013 afiliatu berri zenbatu ditu irailean.
Espainiako datuak, eitb.eus-ek egindako grafiko batean.
Gizarte Segurantzaren afiliazioa
Afiliazioari dagokionez, hazi egin da bi erkidegoetan. Euskadin abuztuan baino 7.349 pertsona gehiago (% 0,78) zenbatu dituzte irailean kotizatzen; apiriletik izandako lehen datu positiboa da afiliazioen kopuruan. 2019ko iraileko datuekin alderatuta, berriz, behera egin du, 15.647 pertsona gutxiago (% 1,63) zenbatu baitituzte.
Nafarroan ere, gora egin du afiliazioak: 2.055 pertsona gehiago (% 0,72). Hobekuntza hori gorabehera, 2019ko irailean baino 2.229 langile gutxiago daude (% 0,77).
Datuen balorazioa
Idoia Mendia Eusko Jaurlaritzako bigarren lehendakariorde eta Lan eta Enplegu sailburuak "zuhurtziaz" eta "itxaropenez" hartu du iraileko datua. Horren ustez, "badirudi gobernu honek hasieratik ondo egindako gauza batzuen eragina igartzen hasi dela".
Mendiak gogorarazi duenez, berak zuzentzen duen sailari dagokio enpresei "eusten" laguntzen, eta, horretarako, ikerketa, garapen eta berrikuntza bultzatuko dituela esan du. "Berrikuntza, elkarrizketa eta berdintasuna behar ditugu langileak erdigunean jartzeko", erantsi du.
"144.758 pertsona ditugu lan barik, eta behar gaituzte", nabarmendu du.
Ildo beretik mintzatu da Maria Carmen Maeztu Nafarroako Eskubide Sozialetako kontseilaria. "Balorazio positiboa egiten dugu, baina zuhur agertu behar gara", azaldu du. Maezturen esanetan, "zuhurrak gara lan merkatuan sumatzen hasia den susperraldi zantzu horiek gorabehera".
Afiliazio datua ere ontzat eman du Maeztuk: "Gauden egoeran, benetan positiboa da hazkundea".
Zure interesekoa izan daiteke
Hernani, Tolosa eta Lezo etxebizitza-eremu tentsionatu izendatu dituzte
Izendapen horiekin, Euskadin dagoeneko 14 udalerri daude tentsionatuen zerrendan, eta litekeena da laster Arrasate, Zestoa, Pasaia eta Basauri ere gehitzea.
Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), eta zilarrak ere bai (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruan zer jarrera hartu erabakitzeko
Enplegu-erregulazio espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.