GAMeko Bizkaibuseko langileek mobilizazioak iragarri dituzte
Getxon, Mungian, Bermeon eta Bilbon Bizkaibuseko hainbat lineatan zerbitzua ematen duen GAM Txorierri-Mungialdeko enpresa-batzordeak hainbat mobilizaziotara deitu ditu langileak. Besteak beste, azaroko 14 egunetan bi orduko lanuzteak eta abenduaren 1etik aurrera greba mugagabea iragarri dituzte.
UGT sindikatuak jakitera eman duenez, langileek batzarrean babestu dituzte mobilizazio horiek, hitzarmen kolektiboaren eta alarma-egoeran izandako zerbitzu eta plus aldakorren inguruko akordioa lortzeko deitutakoak.
UGT, CCOO, LAB eta ELA sindikatuek osatzen duten batzordeak deitutako mobilizazioak gaur (urriak 20) hasiko dira, Bizkaiko Foru Aldundiko Garraio Sailaren egoitzaren aurrean, Bilbon, eta azarorako eta abendurako antolatutako jardunaldietan jarraituko dute horiekin.
GAM Txorierri-Mungialdeko enpresa batzordeko presidente Javier Camararen esanetan, bi urte daramatzate hitzarmena berritu gabe, "lan poltsaren erregulazioa barne hartzen duen eta gaur egun gidarien % 25i eragiten dien behin-behinekotasunarekin amaitzeko" beste hitzarmen bat negoziatu ezinik.
Mobilizazioek honako linea hauei eragingo diete: Bilbo-Mungia, Bilbo-Bermeo Sollubetik, Bilbo-Aireportua, UPV-EHU, Getxo, Teknologia Parkea, Urdulizko Ospitalea eta Gurutzetako Ospitalea Mungiatik, besteak beste.
Zure interesekoa izan daiteke
ELA eta LAB, etxebizitzaren aldeko greba orokorrerako bidean
LAB etxebizitzaren inguruko greba orokorraren alde agertu da, eta beste sindikatuekin batera prestatzen ari dela esan du
Ekonomia % 2,2 haziko da Euskadin aurten eta % 1,9 datorren urtean
Argindarraren prezioa 200 euro/MWh-tik gorakoa izango da asteartean, 2022tik lehen aldiz
CC. OO.k eta UGTk greba orokorra deitu dute udazkenerako
Osakidetzak LEPa egingo du 2027an, estaldura zaileko plazak betetzeko, eta erizaintzakoak ere jasoko ditu
Bilboko metroaren Errekalde eta Matiko arteko linea egiteko lanek sei urte iraungo dute
Milaka lagun kalera atera dira berriro etxebizitza ez dela negozioa aldarrikatzeko
Eusko Jaurlaritzak ia sei milioi euro bideratuko ditu lehen sektorera lehortearen eta kostera txarraren ondorioak konpentsatzeko
