Jantokietako sindikatuek langile gehiago eskatu dizkiote Eusko Jaurlaritzari
Jantokietako sindikatuek langile gehiago eskatu dizkiote Hezkuntza Sailari, Eusko Legebiltzarrean egindako agerraldi batean, "langile-falta argia dagoelako eta ez delako kalitatezko zerbitzurik eskaintzen ari". EAJk erantzun die dagoeneko errefortzuak eman direla eta ratioak berrikusteko konpromisoa hartu dutela; oposizioak, berriz, kontratazioak handitzea eskatu du.
Salaketa horiek ELA, LAB, CCOO eta UGT sindikatuek egin dituzte, Hezkuntza Batzordean egindako agerraldian, eta, EH Bilduk eskatuta, jantokietako egoera azaldu dute; izan ere, dagoeneko hiru greba egun deitu dituzte, langileen egoeraren aurrean.
ELA sindikatuak adierazi duenez, Hezkuntza Sailak ezarritako protokoloan jantokietako langileen egoera "ez da agertzen" eta, bere ustez, "oso larria" da. "Hezkuntza Saila oso berandu doa, urrira arte ez dugu harremanik izan Administrazioarekin", adierazi du.
Jantokiek "funtsezko zerbitzua" ematen dutela eta guztiek "aurrera egiteko borondatea dutela" adierazi ostean, ukatu egin du zerbitzua emateko errefortzurik dagoenik, "iaz baino langile gutxiago daudelako".
LAB sindikatuak salatu duenez, "inprobisazioa eta aldebakartasuna" izan dira Hezkuntza Sailaren ezaugarriak eskola-jantokien antolaketan, eta protokoloak sektoreko langileak kontuan hartu gabe egin dira. Sindikatuak adierazi duenez, "soldata irrigarriak eta egunean bi orduko kontratuak" dituzten emakumeek osatzen dute sektore hori. Egungo egoera "nahiko estresagarria eta kaotikoa" dela gaineratu du, lan-karga "izugarria" dutelako eta jateko denbora murriztu egiten delako.
Bestalde, CCOO sindikatuak azaldu du kalitatezko zerbitzua emateko "langile gehiago" kontratatu behar direla, "ezin delako horrela mantendu". Era berean, eskatzen duten guztiei zerbitzua emateko beharra azpimarratu du, "aukera hori murrizten" ari direlako.
UGTk azaroaren 10ean Hezkuntzarekin egingo duten bileran bere aldarrikapen guztiak "kontuan hartzea" espero du. Sindikatuak "prekarietatea areagotu" izana salatu du eta Saila "aldebakartasunez" jokatzen ari dela kritikatu du.
Planteamendu horien aurrean, egoera "aldakorra" dela esan du EAJk, eta "batzuetan asmatzen erraza ez den arren", "ahalik eta hobekien" lan egiten saiatzen ari direla azpimarratu du.
Hezkuntza Sailak ratioak berrikusteko konpromisoa hartu duela adierazi dute jeltzaleek, eta egoera "ezohiko" honetan jantokietan ere "errefortzuak" jarri dituztela martxan gaineratu dute. Era berean, beste neurri batzuk ere azpimarratu ditu, hala nola, lanaldiak luzatzea edo zentro bakoitzeko monitore bat gehiago izatea, eta "agian ez da nahikoa", baina egoera berrikusten eta egokitzen joango direla gaineratu du.
Halaber, gaur egun zerbitzua ikastetxe guztietan bermatuta dagoela azpimarratu du, eta Araban eskaintzen ez duten lauzpabost zerbitzuak ikastetxeen erabakiagatik direla gaineratu du.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.