Eskola jantokietako langileek baldintzak adostea eskatu diote Jaurlaritzari
Jangeletako langileak greban daude asteazken honetan. ELA, LAB, CCOO eta UGT sindikatuek deituta, hilaren 27rako eta 29rako ere lanuztea iragarri dute. Gaurko mobilizazioetan argitu dutenez, Eusko Jaurlaritzarekin lan baldintzak negoziatzea dute helburu, COVID-19aren pandemiak eragin duen egoera berrira egokitu ahal izateko. Hori horrela, akordioak lortu nahi dituzte, "inposatzeak" jasan beharrean.
Hainbat beharginek hartu dute parte "Jangeletan segurtasuna, enplegua eta lan baldintzak bermatu" lelopean antolatu dituzten manifestazioetan, non "murrizketarik ez", "hezkuntzan negoziazioa", "jantokiak borrokan", "jangelak ere hezkuntzaren parte dira" edota "lan gehiago, prekarietate gutxiago" oihuak entzun diren parte-hartzaileen artean.
Komunikabideen aurrean egindako agerraldian, beharginetako batek, Maribel Alberdik, adierazi du iazko ikasturtetik dabiltzala Jaurlaritzari biltzeko eskatzen, COVID-19aren pandemiaren aurrean "protokolo batzuk" ezartze aldera.
"Bagenekien egoera zaila zela, gure ratioak altuak direla, lanaldi laburrak ditugula eta, jantokiak masifikatuta daudela kontuan hartuta, COVID-19ak ez zigula mesederik egingo", azaldu du.
Haren esanetan, Eusko Jaurlaritzak ez dio biltzeko proposamenari erantzun, eta ikasturte hasieran ezarritako "komunikabideen eta Jaurlaritzaren webgunean irakurritako informazioan oinarrituta" egokitu dute protokoloa. Halere, Jaurlaritzak ez omen du ezer aldatu, "ez ratioak, ezta lanaldiak ere".
Alberdik erantsi du jangeletako haurren artean distantzia gorde behar dutela. "Beraz, bazkaltzeko txanda gehiago behar dira, eta ez dugu horretarako denborarik. Lan kargak gora egin du, eta inprobisatzen ari gara", salatu du.
Ildo horretan, azpimarratu du ikastetxeetako zuzendaritzek hartu dutela jantokietako funtzionamenduaren ardura, eta "ahal dutena egiten ari direla".
Bestalde, kritikatu du greba deialdiaren kariaz Jaurlaritzak ezarritako gutxieneko zerbitzuak "neurriz kanpokoak" direla. "Hain beharrezkoak bagara, kontuan har gaitzatela", exijitu du.
Bilera
Alberdiren esanetan, asteartean Jaurlaritzarekin izandako bilera uztailetik eskatzen ari diren hitzorduaren "atarikoa" izan da.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.