Sindikatuek neurri estrukturalak eskatu dizkiote Osakidetzari, "kolapsoa" ekiditeko
Euskal Osasun Zerbitzuan ordezkaritza duten sindikatuek (SATSE, ELA, LAB, SME, CCOO, UGT, ESK, SAE eta Utese) "elkarrizketa" abiatzea eta "neurri estrukturalak" hartzea eskatu diote Osakidetzari, sistemaren "kolapsoa" saihesteko COVID-19aren bigarren olatu honetan. Era berean, pozik agertu dira Gipuzkoan gaurko deituta zegoen greban "jarraipen oso zabala" izaten ari delako.
Dozenaka langile bildu dira Donostia Ospitalearen atarian eta "Kalitatezko osasun zerbitzu publikoaren eta langileen eskubideen alde" lelopean. Elkarretaratze isila izan da kutsatzeak ekiditeko.
Kazetarien aurrean egindako adierazpenetan, Esther Saavedrak (ELA) "berehalako neurriak" eskatu ditu, Osakidetzak "kolapsatzeko arriskua hor dagoelako". Saavedraren ustez, "planifikazio falta izugarria" dago, "birusari eta pandemiari buruz" sei hilabetez hitz egin ondoren, eta "bigarren olatu bat zetorrela jakin arren, lehen arretak hilabeteak daramatza gainezka".
Ingurumaria horretan, salatu duenez, Osakidetza "programatutako arreta eta ohikoa bertan behera uztekotan dago COVID-19ko gaixoak artatzeko. Martxoan horixe egin zuen. Egin behar zena zen sistema indartzea. Orain orduko hartako egoera berean gaude".
Saavedraren esanetan, Donostia Ospitalea joan den astean hasi zen COVID-19ko gaixoak Arabako eta Bizkaiko ZIUetara bidaltzen, "saturazioa saihesteko". "Orain ohiko jarduera bertan behera uztea aztertzen ari dira". erantsi du.
Era berean, kritikatu du gaur gaurko ez dagoela "elkarrizketarik Osakidetzarekin" eta sindikatuek duten informazioa "komunikabideen bidez" jasotzen dutela. Bilerarik ere ez omen dute aurreikusita.
Jaurlaritzak ezarritako zerbitzu minimoak "gehiegizkoak" direla esan du ELAko ordezkariak. Hori gorabehera, "jarraipen oso zabala" izaten ari da greba, "batez ere Lehen Arretan", adierazi du. "Horrek agerian uzten du zein nekatuta dauden langileak", Saavedraren hitzetan-.
Osasun Sailak grebaren jarraipen datuak kalkulatzeko modua kritikatu du: lan egin dutenen artean zenbatzen ditu gutxieneko zerbitzuak egin behar dituztenak edota egun horretan librantzan daudenak.
Bi osasun langile Donostiako Ospitalean, grebaren aldeko kartelekin. Argazkia: EFE
Hain justu, jarraipen datuak eskaini ditu Eusko Jaurlaritzak. Zabaldutako ohar batean dionez, goizeko txandaren batez besteko jarraipena % 7,72koa da. Lan arloka, sendagileen % 6,14k egin dute lanuztea; erizainen % 6,44k eta % 10,45k, gainerako langileen artean.
"Zerbitzua hobetu"
Bestalde, Iñigo Garduñok (CCOO) Osakidetzako "zerbitzua hobetzeko neurri estrukturalak" eskatu ditu eta Jaurlaritza langileriaren hazkundeaz ari denean (3.000 behargin gehiago omen daude lanean) gezurra esaten ari dela nabarmendu du. Izan ere, "3.302 profesionalek koronabirusa izan dute" eta urrian bakarrik "600 PCR positibo eta 400 pertsona egon dira bajan". Hori horrela, langile gehiago behar dituztela azpimarratu du.
Patxi Nicolauren ustez (ESK), Osakidetzako profesionalak "oso nekatuta daude, arrisku fisikoarekin, osasun arazoekin eta buruko arriskuekin". "Neurri errealak behar dituzte aspaldikoak Osakidetzaren gabezi estrukturalak gainditzeko: giza baliabide eta materialen falta, neurriz kanpoko gainkargak, eta benetako inbertsio falta".
Horren ildotik, honakoak eskatu dizkio Osakidetzari: "inbertsioa handitzea (BPGaren % 25), batez ere Lehen Arretan; langile gehiago kontratatzea, baliabide material gehiago eskaintzea, eta segurtasun eta osasun neurriak bermatzea langile guztiei".
Araban urriaren 29an egindako lanuztearen segida da gaurkoa, eta Bizkaian hilaren 12an egingo denaren atarikoa.
Zure interesekoa izan daiteke
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".