4.000 eurorainoko laguntzak eskatzeko aukera izango dute EAEko taberna eta jatetxeek
Javier Hurtado Eusko Jaurlaritzako Turismo, Merkataritza eta Kontsumo sailburuak ostalaritza sektoreari laguntzeko programa berria aurkeztu du astearte honetan Gobernu Kontseiluan. Aurrekoez gain, beste 30 milioi euroko laguntza zuzenak onartu ditu Eusko Jaurlaritzak.
30 milioi horiek aintzat hartuta, Eusko Jaurlaritzako Turismo, Merkataritza eta Kontsumo Sailak 70 milioi eurora igo du erresistentzia plana. 70 milioi horietatik, gutxienez 45 ostalaritzako ezohiko laguntzetara bideratuko dira.
Esan bezala, 30 milioi euroko laguntza izango du ostalaritzak: Ekonomia eta Ogasun Sailak 25 milioi emango dizkio eta Turismo, Merkataritza eta Kontsumo Sailak gainerako 5 milioiak. Hurtadok azaldu duenez, COVID-19agatik merkataritzari aurretik emandako laguntzen soberakinetatik lortu dituzte 5 milioi horiek.
Ostalaritzara zuzendutako laguntza berri horiei dagokienez, autonomoak eta enpresa txikiak diruz laguntzea dute helburu. Hain zuzen ere, enpresa horiek beren jarduna eten behar ez izatea bilatzen dute, eta horretarako galera ekonomikoak arintzea da asmo nagusia, betiere enpleguari eutsiz. Hartara, enplegua bermatzeko asmo horrekin, tabernak eta jatetxeak irekitzen diren egunetik gutxienez lau hilabetez jardunari eustea eskatu diete laguntzak jasoko dituztenei.
Euskadiko ostalaritzaren % 99 enpresa txikiek osatzen dute. Guztira, 12.219 establezimendu daude eta erdiek langile 1 edo 2 dituzte. Zehazki, 8.297 establezimenduk dituzte 3 behargin baino gutxiago; 3.224k, berriz, 4 eta 10 langile artean, eta 698k, 10etik gora.
Hala, 3 langiletik beherako establezimenduek 3.000 euroko diru laguntza jasoko dute; 3 eta 10 bitartekoek 3.500ekoa, eta 10etik gorakoek 4.000 eurokoa.
Gainera, orain arte Gobernuak nahiz beste erakunde batzuek emandako laguntzekin bateragarriak dira.
Laguntza horiek guztiak bideratzeko, 20 teknikari arituko dira lanean.
Aldundien neurri berriak
Araba, Bizkai eta Gipuzkoako aldundiek zerga laguntza berriak ezarriko dituzte "aurki", ostalaritzaren egoera ekonomikoa lasaitze aldera.
Horixe jakinarazi du Ramiro Gonzalez Arabako ahaldun nagusiak, eta azaldu du Jaurlaritzak onartuko dituen "laguntza zuzenen osagarri" izango direla foru laguntzak.
Hiru aldundien elkarlana pandemiaren lehenengo oldean ezarritako zerga salbuespenen tankerakoa izango da, hori baita Gonzalezen ustez zentzuzkoena: "Diru-sarrerarik ez badute nola ordainduko dute?".
Gonzalezek aitortu du Eusko Jaurlaritzak ezarritako murrizketak "gogorrak eta zailak" direla, baina, era berean, "beharrezkoak" kutsatzeak galarazteko, eta espero du nahikoa izatea "neurri gogorragoak" hartu behar ez izateko.
Horren harira, "ulermena eta esfortzua" eskatu dio gizarteari "deserosoak" diren eta "sakrifizio pertsonala" eskatzen duten neurri murriztaileen aurrean.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.