Arabako ostalariek % 45eko galerak izan dituzte aurten
Arabako ostalariek euren fakturazioaren % 45 galdu dute jada aurten, eta % 30ek oraindik ez dituzte kobratu pandemiaren lehen olatuan abiatutako laguntzak. Horrenbestez, laguntza horiek eskuratzea sektorearentzat "lehentasun" bihurtu da, berriro itxita baitaude.
Arabako Merkataritzako eta Zerbitzuetako Enpresarien elkarteak (Aenkomer) inkesta bat egin du 100 ostalarien artean; horren arabera, martxoan alarma egoera ezarri zenetik ostalarien % 60k % 40ko galerak izan dituzte.
% 15,1en fakturazioak % 30 eta % 40 artean egin du behera eta % 13,7ren kasuan beherakada hori % 20 eta % 30 artekoa izan da. Horrenbestez, salmenten bataz bestekoaren beherakada % 45ekoa izan da.
Egoera horren aurrean, ostalarien % 41,3k finantziazioa eskatu behar izan dute; batez beste, 55.000 euro inguru eskatu dituzte. Gainera, beste % 28k laguntza ekonomikoa eskatu beharko du datozen hilabeteetan, Aenkomerren arabera.
Negozio gehienek (% 76) aldi baterako enplegu-erregulazioko espedienteak egin behar izan dituzte, eta denak saiatu dira gastu finkoak "estutzen", batez ere, alokairuari dagozkionak, gasturik altuena baita. Gutxienez ostalarien % 60k akordioa adostu dute merkataritza-lokaletako jabeekin alokairuaren zenbatekoa murrizteko edo itxita egon ziren bitartean zorra barkatzeko.
Pandemiak eragindako zailtasunen aurrean, ia taberna eta jatetxeen heren batek (% 29,3) negozio modu berriak bilatu dituzte; esaterako, bazkaria etxeetara eramatea edo lokalean jasotzea. Konponbide horrek "harrera ona izan du", baina "diru gutxi ematen du".
Ostalarien % 73,3k laguntzak eskatu dizkiete erakundeei eta eskaera horien % 65ek aldeko ebazpena izan arren, lehen olatuko eskaeren % 30 oraindik ordaindu gabe daude.
Hori dela eta, Jon Andoni Aspuru Aenkomerreko presidenteak 4.000 eurorainoko laguntzak eskatzeko "tramiteak bideratu eta kobratzeko arintasuna" eskatu dio Eusko Jaurlaritzari, sektorearentzat "oxigeno baloia izango delako".
Halaber, kobratzeko falta diren laguntzak (eskatutakoen % 30) kitatzeko eskatu dute, eta etxez etxe banatzeko aukera 21:00etatik harago baimentzeko; izan ere, udaberriko konfinamenduan ez zegoen ordutegi murrizketarik zerbitzu hori emateko.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.