Errenta Kanpaina amaitu da Araban, onlineko aitorpenen bikoitza baino gehiagorekin
2019ko ekitaldiari dagokion Arabako Errenta Kanpaina inoizko kanpainarik digitalena izan da, zergadunek eurek Internet bidez egindako aitorpenak % 126 igo baitira.
Itziar Gonzalo Ogasun, Finantza eta Aurrekontu diputatuak jakitera eman duenez, ia hirukoiztu egin dira mota horretako aitorpenak, eta guztira 15.768 zergadun animatu dira Rentared modalitatea erabiltzera, zeinek aukera ematen baitzien beren aitorpena ordenagailutik egiteko.
Kanpaina "normaltasunez" joan da, "egoera zaila izan den arren". "Kutsadurarik gabe, jende pilaketarik gabe eta emaitza oso positiboarekin", azpimarratu du Gonzalok.
"Internet aukera bat eta era bat izan da, batez ere konfinamenduaren asteetan, zergadunei aitorpena erraz eta azkar egitea ahalbidetu diena", gogorarazi du foru diputatuak.
Ildo horretan, "pandemiak proban jarri gaitu Errenta Kanpaina honetan, baina Foru Ogasunak eta herritarrek eurek aise gainditu dute proba", gaineratu du.
Itziar Gonzalo Errenta Kanpainaren balantzearen aurkezpenean. Argazkia: arabapress.eus.
Era berean, Rentafacileko (Ogasunak aldez aurretik egin eta etxera bidaltzen dituen aitorpenak) onarpen telematikoak handitu egin dira. Zehazki, 41.142 zergadunek onartu dute zirriborroa Internet bidez, eta 11.561ek mugikorretik zuzenean.
Ildo beretik, nabarmen egin du gora zergadunen kontsulta telematikoen kopuruak, 10.150 guztira (iaz baino hiru aldiz gehiago).
Datu ekonomikoak
Balantze ekonomikoari dagokionez, nabarmendu behar du kanpaina honetan Arabako Foru Ogasunak 133,3 milioi euro itzuli dituela eta 98,3 milioi euro jasoko dituela.
Era berean, zergadunei itzuli beharreko saldoa hazi egin da, tarifaren deflatazioaren (% 1,5) eta zerga kenkari sozialen igoeraren ondorioz. Guztira, 161,6 milioi euroko kenkariak izan dituzte arabarrek.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.