Ikastetxeetako garbitzaileek lanuztea egin dute konponbidea aldarrikatzeko
ELA, LAB, UGT, CCOO eta ESK sindikatuek deituta, ikastetxeetako eta unibertsitateko garbiketaz arduratzen diren azpikontratatutako langileek greba egin dute, "funtsezkoak" direla esan arren, "minimoetan" daudela salatzeko.
Agiri bateratu batean, sindikatuek azpimarratu dute grebak jarraipen zabala izan duela, mobilizazioak goizean goizetik abiatu dituztela eta ikasle taldeen eta irakasleen babesa izan dutela.
Horrez gain, fakultateetan "segurtasun neurri zorrotzak" izan direla eta segurtasun zaindarien "jazarpena" jasan dutela salatu dute. Bilbon, Ertzaintzak manifestari bati isuna jarri diola eta Gasteizko kanpusean greba-batzordeari EHUren instalazioetan sartzea galarazi diotela jakinarazi dute.
Edonola ere, protestak jendetsuak izan direla azpimarratu dute. Lan-gatazka aspalditik dator, baina pandemiarekin lan-baldintzak okertu egin direla ohartarazi dute. "Egun, norbanakoa babeste ekiporik gabe ari dira lanean, bajak ez dira ordezkatzen eta COVID-19agatik lan-zama handitu diete", salatu dute.
"Lau orduko lanaldi batean langile batek hiru aldiz garbitu behar ditu komunak eta bi aldiz ikasgelak; zakarrontziak hutsitu eta garbitu behar ditu; eta zentroko ate guztiak, zorua, altzariak eta telefonoak desinfektatu behar ditu. Nola da posible hori guztia lau ordutan egitea?", galdetu dute.
Lan-gatazka honetan inplikatu daitezela eskatu diete garbiketako enpresei, Hezkuntza Sailari eta EHUri. "Hitzetik ekintzetara pasatzea nahi dugu, konpromisoak nahi ditugu eta laster sei urte beteko dituen gatazka konpontzeko negoziatzeko prest gaude", nabarmendu dute.
Alabaina, bien bitartean mobilizazioei eutsiko diete sindikatuek. Hala, hurrengo lanuztea hilaren 25ean egingo dute.
Zure interesekoa izan daiteke
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.