Bilbok 1.012 lanpostu sortuko ditu 2021era arte COVID-19aren krisiari aurre egiteko
"2020-2021eko Bilboko Enplegu Plana"k 1.012 lanpostu sortuko ditu datorren urtera arte COVID-19ak sortutako krisi ekonomikoari aurre egiteko. Jaurlaritzak eta Bilboko Udalak finantzatutako planak "hiribilduan orain arte sortu den enplegu aukerarik garrantzitsuena da", Idoia Mendia lehendakariorde eta Lan eta Enplegu sailburuak eta Amaia Arregi Bilboko alkateordeak nabarmen dutenez.
Hain justu, Mendiak eta Arregik gaur aurkeztu dute plana. 2019ko planak baino ia 100 pertsona gehiago kontratatuko dituzte plan berri honekin, eta berrikuntza gisa, enplegua COVID-19aren ondoriozko alarma egoera ezarri ondoren galdu duten pertsonak kontratatzea bultzatuko da.
Guztira, 10,9 milioi euroko inbertsioa egingo da. Eusko Jaurlaritzak 8,9 milioi euroko ekarpena egingo du, eta Bilboko Udalak, berriz, bi milioi euro gehiago jarriko ditu, hau da, iaz baino 600.000 euro gehiago.
Programak bi plan ditu bere baitan: Enplegu Plan Arrunta eta Gazteen Enplegu Plana. Biak ala biak honakoei daude zuzenduta: Lanbiden izena emanda eta Bilbon erroldatuta dauden pertsonei, diru-sarrerak bermatzeko errentaren onuradunei, 35 urte azpiko gazteei, luzaroko langabeei, gizarte-bazterkeria egoeran edo arriskuan dauden pertsonei, eta berrikuntza gisa, COVID-19agatik enplegua galdu duteneni.
962 eta 50 lanpostu, hurrenez hurren
Enplegu Plan Arruntaren bidez, 962 lanpostu berri sortuko dira, iaz baino 264 gehiago. Guztira, ia 8,8 milioi euroko aurrekontua egongo da. Oraingoan, hiriaren ekonomia berraktibatzea lortzeko, enplegua enpresa pribatuetan sortzea bultzatuko da, eta, horretarako, 701 pertsona kontratatuko dira (iaz baino 61 enplegu gehiago).
Berritasun gisa, COVID-19aren ondorioz enplegua galdu duten pertsonak kontratatzea sustatuko da. Bestalde, lantaldera emakumeak sartzen dituzten pertsonek % 10eko gehikuntza jaso ahal izango dute laguntzetan.
Mendia eta Arregi, planaren aurkezpenean. Argazkia: Bilboko Udala.
Lanpostu guztietatik, Udalak zuzenean 311 enplegu kudeatuko ditu Bilbao Ekintza udal-sozietatearen bitartez.
Gazteen Enplegu Planaren kasuan, 2,2 milioi euroko aurrekontua du, eta 50 lanpostu berri sortuko dira erdi-mailako edo goi-mailako titulazioa duten 30 urte baino gutxiagoko gazteen artean. Kontratazioak 12 hilabete iraungo du, lanaldi osoan, eta tokiko esparrutik sustatuko dira. Bilboko Udalak eta udaleko entitate zein arloak zuzenean antolatuko dira kontratazioez.
Horrez gain, Prestakuntzarako eta Enplegurako 5 proiektu berezi abiarazi dituzte aurten, Bilbo Zaharra, San Frantzisko eta Zabala, Otxarkoaga eta Txurdinaga eta Uribarri eta Iralabarri auzoetan aplikatzeko.
Tokian tokiko enplegu planak
Idoia Mendia lehendakariordeak nabarmendu duenez, Jaurlaritzak 148 milioi euro bideratuko ditu datozen lau urteetan tokian tokiko enplegu planak sustatzeko, eta horiei esker, 15.650 lanpostu berri sortuko dira. Halaber, "gazte enplegurako 27.000 aukera" sortzea aurreikusi dute, 162 milioi euroko aurrekontua duen plan batekin.
Mendiaren ustez, tokian tokiko enplegu plan horiek "kogobernantzaren eredu dira", eta "gertuen dugunaren alde egitea herri apustua" dela frogatzen dute.
Zure interesekoa izan daiteke
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.