6.035 langabe gutxiago zenbatu dituzte Euskadin azaroan, eta 619 gehiago Nafarroan
Enplegu zerbitzuen bulegoetan izena eman duten pertsonen kopuruak behera egin du Euskadin, azaroan. Hain zuzen ere, aurreko hilabetearekin alderatuta, 6.035 pertsona gutxiago daude langabezian. Horrek esan nahi du % 4,36 jaitsi dela langabezia-tasa, Estatuan izan den beherakadarik handiena.
Hala, 132.436 lagun daude guztira lanik gabe, asteazken honetan Espainiako Gobernuaren Lan Ministerioak emandako datuen arabera.
2019ko azaroko datuen aldean, baina, langabeziak nabarmen egin du gora, % 16,40, hain zuzen, 18.659 langabe gehiago zenbatu baitituzte.
Ildo horretan, Elena Perez Barredo Enplegu sailburuordeak esan du azaroko datuak "positiboak" direla, batez ere pandemia hasieran egindako aurreikuspenak aintzat hartuta. Halere, Eusko Jaurlaritzak argi dauka "zuhurtziaz" jokatu behar dugula pandemiak eragindako ziurgabetasunaren aurrean.
Lanbideren bulegoetan izandako eskaera kontuan hartuta, gizonen artean nabarmenagoa izan da langabezia-tasaren jaitsiera (% 5,29), emakumeen artean baino (% 3,59). Dena den, urteko balantzea eginez gero, langabeziak gizonen artean izan du gorakada handiena, % 20,21 hazi baita horietan artean, eta % 13,47, berriz, emakumeen artean.
Adin-tarteka banatuta, 24 urtez azpikoengan izan du langabeziak beherakada nabarmenena (% 8,74). Urteko datuek, aldiz, kontrakoa erakusten dute, alegia, 16 eta 24 urte bitartekoen artean izan dela tasarik handiena (% 42,56), eta 54 urtetik gorakoen artean bigarren handiena (% 8,66).
Langabe kopuruak hiru lurraldeetan egin du behera, bereziki Araban, % 8,87 jaitsi baita (2.139 langabe gutxiago; 21.970 guztira). Gipuzkoan, % 4,21 jaitsi da (urrian baino 1.547 langabe gutxiago zenbatu dituzte; guztira 35.214). Bizkaian, % 3,03 langabe gutxiago zenbatu dituzte (2.349 langabe gutxiago; guztira 75.252).
Sektoreka banatuta, eraikuntzak izan ditu daturik onenak, % 5,68 jaitsi baita bertan langabeen kopurua; lehen sektorean, % 5,48 egin du behera; industrian, % 5,43, eta zerbitzuetan, % 3,70.
619 langabe gehiago Nafarroan
Nafarroan 619 pertsona gehiago zeuden lanik gabe azaroan; aurreko hilabetean baino % 1,59 gehiago. Orotara, 39.527 langabe zenbatu dituzte erkidego horretan.
Iazko hilabete bereko datuen ondoan, 7.111 langabe gehiago daude (% 21,94), Lan Ministerioaren arabera.
Espainiako Estatuan, langabeziak % 0,66 egin du gora, Euskadin, Gaztela-Mantxan eta Madrilen behera egin arren.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.