15 700 langabe gehiago EAEn eta 400 Nafarroan, hirugarren hiruhilekoan
Lana duten pertsonen kopuruak gora egin du EAEn 2020ko hirugarren hiruhilekoan, aurreko hiruhilekoan baino 20.900 pertsona gehiago zenbatu baitituzte lanean (+% 2,33), baina langabeen kopuruak ere gora egin du, 15.700 gehiago baitaude (+% 17,40). Langabezia-tasa, berriz, % 10,34koa da, Biztanleria Aktiboaren Inkestak emandako datuen arabera. Nafarroan, berriz, 400 langabe gehiago daude, eta, guztira, 30.900 pertsona daude lanik gabe.
Zehazki, 920.500 landun daude Euskadin, 2019ko uztaila eta iraila bitartean baino 9.500 gutxiago (-% 1,02). Langabeak, berriz, 106.200 dira guztira; hau da, % 11,86 gehiago.
Biztanleria aktiboa igo egin da, aurreko hiruhilekoan baino 36.700 gehiago (% 3,70) eta 2019ko hirugarren hiruhilekoan baino 1.700 gehiago (% 0,17) zenbatu baitituzte.
Aurtengo hirugarren hiruhilekoan, 16 urteko edo gehiagoko 1.842.700 pertsona zeuden EAEn, , eta horietatik 1.026,7 ziren biztanleria aktiboa osatzen zutenak; hau da, aurreko hiru hilabeteetan baino 36,70 % gehiago. % 3,70eko igoera izan du.
Lurraldeka, Arabak izan du langabezia-tasarik txikiena (% 8,04), Gipuzkoaren (% 9,18) eta Bizkaiaren (% 11,73) atzetik dituela.
Sexuen arabera, gizonen langabezia-tasa % 9,95ekoa da, eta emakumeena, berriz, % 10,75ekoa.
Euskadik Estatuko bigarren langabezia-tasarik baxuena du urteko hirugarren hiruhilekoan, Nafarroaren atzetik, eta Estatuko batez bestekoa (% 16,2) baino ia sei puntu beherago dago.
400 langabe gehiago Nafarroan
Urteko hirugarren hiruhilekoan 400 langabe gehiago zenbatu dituzte Nafarroan, aurreko hiruhilekoarekin alderatuta (30.900), eta % 9,94ko langabezia-tasa izan dute.
Foru Erkidegoan (% 9,94), Euskal Autonomia Erkidegoan (% 10,34) eta Errioxan (% 11,52) daude langabezia-tasarik txikienak hiruhileko honetan, Estatistika Institutuaren datuen arabera. Espainiako Estatuan, 355.000 langabe gehiago daude, 3.722.900 langabe zenbatu baitituzte; ondorioz, langabezia-tasa % 16,26koa da.
Biztanleria Aktiboaren Inkestaren arabera, 8.000 langile gehiago zenbatu dituzte Nafarroan, eta 279.400 baitira orain. COVID-19aren pandemiaren ondoriozko egoera eta horrek lan-merkatuan duen eragina islatzen duen Biztanleria Aktiboaren Inkestaren arabera.
Estatuan, oro har, 569.600 pertsona gehiago daude lanean, aurreko hiruhilekoarekin alderatuta; izan ere, hiruhileko horretan nabaritu zen gehien pandemiaren eragina konfinamenduaren ondorioz. Guztira, 19,17 milioi pertsona daude lanean gaur egun.
Langabeziari dagokionez, 355.000 langabe gehiago daude, eta langabeza-tasa % 16,26koa da, Espainiako Estatistika Institutuaren datuen arabera.
Urteko alderaketan, lan-merkatuak pandemiaren eragin gogorra islatzen jarraitzen du: langabezian 508.500 pertsona gehiago eta lanean 697.500 pertsona gutxiago baitaude.
Espainiako Estatistika Institutu Nazionalaren estatistikak gogora ekarri duenez, aldi baterako enplegu erregulazioko espediente baten eraginpean daudenak, lana bertan behera utzita, lanean dauden pertsonatzat jotzen dira, Europar Batasuneko Estatistika Bulegoaren (Eurostat) eta Biztanleria Aktiboaren Inkesta egiteko erabiltzen den Lanaren Nazioarteko Erakundearen (LANE) metodologiaren arabera.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.