Osakidetzan greba eguna deitu dute sindikatuek urtarrilaren 28rako
Satse, ELA, LAB, CCOO, UGT eta ESK sindikatuek ostegun honetan iragarri dute mobilizazioei helduko dietela berriro Osakidetzan, Osasun Sailak ez diolako langileek bizi duten egoera "larriari" irtenbiderik eman nahi izan. Hori horrela, greba eguna deitu dute datorren urtarrilaren 28rako Araban, Bizkaian eta Gipuzkoan.
Ohar batean jakinarazi dutenez, aurretik hainbat protesta ekintza egingo dituzte, abenduaren 16tik aurrera; asteazkenero abenduan eta ostegunero urtarrilean.
SME, SAE eta UTESE sindikatuekin batera, urrian eta azaroan ere mobilizazioak egin zituzten hiru lurralde historikoetan: urriaren 29an, Araban; azaroaren 5ean, Gipuzkoan, eta 12an, Bizkaian.
Sindikatuen arabera, mobilizazioa da Osakidetzak eman dien "irtenbide" bakarra, gaurko mahai sektorialean zuzendaritzak ez baitie sindikatuen "aldarrikapenei" jaramonik egin. "Argi utzi dute langileak esplotatzen eta haien eskubideak murrizten jarraituko dutela", salatu dute.
Ildo horretan, azaroaren 26an mahai sektorialaren bileratik alde egin zuten sindikatuetako ordezkariek kritikatu dute Osasun Sailak ez duela "konponbiderik bilatzeko inolako asmorik, nahiz eta osasun publikoan arazo estruktural larriak eta gabeziak egon". Are gehiago, pandemiak arazo horiek larriagotu ditu, oharrean zehaztu dutenez.
"Aurreko deialdian bezala, gaurkoan ere Osakidetzak bideratu du bilera, interesatzen zitzaizkion gaiak mahai gainean jarrita eta guk eramandako aldarrikapenei iskin eginda", esan dute.
Bestalde, sindikatuen esanetan, covid-19aren lehen olatutik zortzi hilabete igaro direnean, "beharginak esplotatzea da pandemiari aurre egiteko proposatu duten aukera bakarra. Aurreztea da haien lehentasuna, dela giza baliabideetan, dela baliabide materialetan", erantsi dute.
LEPari buruz negoziatzen jarraitzea proposatu die Osakidetzak sindikatuei
Mahai sektorialaren bilera bukatutakoan, Osakidetzak jakinarazi du lan eskaintza publikoaren lehen azterketak Familiako Medikuntzakoa eta Pediatriakoa izango direla.
Gainera, plazen banaketari, auzitegien osaketari eta azterketei buruz negoziatzen jarraitzeko aukera eman die sindikatuei.
"Lehen arretako administrazio gaietako langileei soldata % 4 igotzea adostu dugu bileran", adierazi dute.
Halaber, gogora ekarri dute lehen arreta indartzeko asmoa dutela, 196 lanpostu berri sortuta. "Koordinazioa hobetu eta kontsultetako lan burokratikoak arintzeko plan bat ezarri nahi dugu. Horrez gain, 21 milioi euroko inbertsioa egingo dugu 2021ean zerbitzu horretan", azpimarratu dute.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.