Tabernen itxieraren aurkako helegitea aurkeztu dute EAEko Auzitegi Nagusian
Ostalariek helegitea aurkeztu dute gaur goizean EAEko Justizia Auzitegi Nagusiaren aurrean, eremu gorrian dauden herrietan ostalaritza ixtea agintzen duen lehendakariaren urtarrilaren 22ko 4/21 Dekretuaren aurka. Nabarmendu dutenez, sektoreak 240 milioi euro galdu ditu dagoeneko. EAEko Justizia Auzitegi Nagusiak, bestalde, astelehenera arteko epea eman dio Eusko Jaurlaritzari ostalaritzaren irekieraren aurka alegazioak aurkezteko.
Administrazioarekiko Auzien Salak erabaki bat eman du, eta bertan adierazi du "eskatutako neurriaren garrantzia kontuan hartuta" erabaki duela "salatutako Administrazioari entzutea". Gaineratu du, gehienez ere, hilaren 8an, astelehenean, 12:00etan, aurkeztu beharko dituela alegazioak.
Auzitegia hurrengo egunean bilduko da, asteartean, 09:30ean, eta egun horretan bertan emango du erabakiaren berri.
Sektoreko profesionalek EAEko Justizia Auzitegi Nagusiari eskatu diote kautelazko neurriak har ditzala, harik eta auziaren muinari heldu arte.
Helegitea erregistratu ondoren Hector Sanchez Bizkaiko Ostalaritza Elkarteko gerenteak azaldu duenez, ostalariak ez dira "kutsatzeen gorakadaren errudunak", eta hori frogatzeko nahikoa datu izan dituztenean jo dute justiziara.
Idatzian zenbait une "gako" bildu dituzte: batetik, abenduaren 12a, orduan zabaldu baitzituzten tabernak eta jatetxeak. Irekierak kutsatzeetan izan zuen eragina neurtu dute. Gerora, Gabonetako mugikortasun eta familia ospakizunen ondoren izan den hazkundea ere jaso dute.
Sanchezen esanetan, datuak eta intzidentziaren kurba begiratuta, ostalaritzaren irekierak "ez zuen positibo kopuruaren gorakada ekarri, bai, ordea, Gabonek".
"Berriro ere ostalaritza seinalatu eta itxi egin dute, inongo arrazoi argirik gabe. Lanean uztea da eskatzen duguna. Ez dugu abendutik indarrean dauden neurri murriztaileen kontra egin; nahi duguna da gune gorrian dagoen ostalaritzaren itxiera kautelaz bertan behera uztea", azpimarratu dute.
Gauzak horrela, "jarduerari eutsi ahal izatea" eskatu dute ostalariek, "udalerria eremu gorrian, horian edo berdean egonda ere". Taberna eta jatetxeei ezarritako murrizketak errespetatzea onartzen dute, hots, barruan % 50eko edukiera izatea eta barran bezerorik ez egotea, kanpoan edukieraren % 100 izatea, beti ere distantziak mantenduta eta maskarak jarrita, eta 20:00etan ixtea.
"Egoera honekin, galerek gorantz egiten jarraituko dute"
Ostalariak ohartarazi duenez, 240 milioi euro galdu dituzte dagoeneko (aurreko kalkulu batean 184 milioiko galerak aipatu zituzten), eta azaldu dute arazoa ez dela galdutakoa: "Arazoa da, egoera honekin jarraituz gero, galerek gorantz egiten jarraituko dutela".
Sanchezen aburuz, ostalaritzari bideratutako laguntzek "ezin dituzte galerak konpentsatu". "Jakin badakigu hori ezinezkoa izango dela, baina jendeari lan egiten uztea nahi dugu. Ostalariak ez du nahi laguntzak jasotzea etxean egon bitartean; lan egin nahi du, segurtasun neurri guztiekin, baina lan egin. Helegite honekin eskatzen duguna da sektoreari lan egiten uztea", erantsi du.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.