"Zerga inposaketa eta bidesariak" salatu dituzte garraiolari nafarrek Iruñean
Tradisna eta ANET elkarteetako garraiolariek manifestazioa egin dute Iruñean, "zerga inposaketa eta bidesariak" salatzeko. Neurri horiekin "enpresa handiak babestera" eta "erkidego mugakideetan fiskalki izena ematera behartzen" ari direla uste dute.
"Zerga inposaketaren eta bidesarien" aurkako pankarta bat eta autonomoentzako hilkutxa bat eraman dituzte protestaren buruan, apaiz eta guzti, eta prozesio erritmoarekin. Nafarroako Gobernuaren neurrien aurkako kartelak erakutsi dituzte garraiolariek, eta euren "eskubideak" defentsan oihu egin dute.
Manifestazioa bukatu ondoren, Ildefonso Gamez Tradisnako presidenteak agiri bat irakurri du: iragan abendutik Foru Exekutiboaren "elkarrizketa eta gardentasun faltak" mobilizaziora bultzatu ditu.
"Ez gaituzte entzun ere egin", ziurtatu du Gamezek. 2020an "hainbeste isiltasun", baina behingoz Gobernuak bidesarien "inposaketa" planteatu du bost errepidetan, eta autonomoen zerga moduluak beste sistema batengatik "modu zakarrean" aldatu du, erantsi duenez.
Nafarroako Gobernuaren "diskriminazio ekintzak" dira, eta Espainiako Gobernuaren ekinbidearekin alderatu du; izan ere, Exekutibo zentrala zerga moduluak mantendu, errepideak konpondu eta bidesariak kentzen ari da.
N-121-A
Era berean, N-121-A errepidea 2+1 bidea bihurtzea kritikatu du Gamezek, "gure sektorea kontuan izan ez dutelako" eta "ezbehar-kopurua ez delako murriztuko". Frantzia lotzeko autobia bat eraikitzea "behin betiko irtenbidea" litzatekeela uste dute garraiolariek, baina proposamena "atzera bota zuten".
"Gero guregan eraginik ez duten zergak ordaintzen ditugula argi dago, guztiz kontrakoa", salatu du Gamezek. Foru Exekutiboak hartzen dituen neurriak "dirua biltzeko" dira, baina epe luzera diru-sarrera publikoak murriztu ditzakete, garraiolariek zerga-helbidea aldatu, bidesariak saihestu eta ibilgailua beste probintziatan hornitzen baldin badute.
Zentzu horretan, Ignacio Orradre ANETeko idazkari nagusiak azaldu duenez, funtsezko sektore bat dira, baina pandemian "jateko eta atseden hartzeko arazoak" izaten ari dira, eta "pazientzia agortzen ari zaienean, kalte are handiagoa egiten diguten neurriak aurkitzen ditugu".
13 000 familia bizi dira sektoretik, eta Nafarroako BPGri % 4,25eko ekarpena egiten dio, gogorarazi duenez. Orradreren hitzetan, bidesariek batez ere kanpoko garraiolariei eragingo diela "gezurra da".
Europako araudiak "bertako garraiolariaren diskriminaziorik ez du onartzen", baina kalte-ordainik jasotzeko aukerarik ez dute ikusten, ziurtatu duenez. Errenta mailan ere neurriek "kalte argia egiten diote sektoreari", zenbateko eta metodoak "inposatu" dizkietelako, gaineratu duenez.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.