Gizonen eta emakumeen arteko soldata arrakala urtean 7.200 eurokoa da, EAEn
Gizonen eta emakumeen arteko soldata arrakala urtean 7200 euro ingurukoa da, Eusko Jaurlaritzak soldata arrakalaren aurkako egunaren harira gaur zabaldutako informazioaren arabera.
Emakumeek 24.757 euro jasotzen dituzte urtean batez beste, eta gizonek, berriz, 31.970 euro. Sektoreka, zerbitzuen alorrean nabari dira alderik handienak, emakume askok lan egiten duten sektorean hain zuzen ere.
Emakunderen eskariz Sara de la Rica EHUko Ekonomia Katedradunak egindako "Genero-arrakala Euskadiko lan-merkatuan" azterlanaren arabera, sexuagatiko bereizketa okupazionala da emakumeen eta gizonen arteko soldata arrakalan eragin handiena duen faktorea, % 35era arte. Femeninotzat jotzen diren lanbideak okerrago ordaintzen dira.
Ikerketan jasotzen denez, lanbideen feminizazio/maskulinizazio maila faktore erabakigarria da soldata arrakalan, nabarmen handitzen baita lanbide batean emakumeen proportzioak gora egin ahala eta alderantziz.
Gainera, emakumeek malgutasun handiagoko lanak onartu ohi dute lana eta familia kontziliatzeko. Zehazki, lanaldi partziala duten langileen % 80 baino gehiago emakumeak dira.
Berdintasun diagnostikoak eta planak egiteko laguntzak eskaintzen dizkie Emakundek enpresei
Soldata-arrakala murriztea helburu, diagnostikoak egiteko eta berdintasun planak egiteko laguntzak ematen ditu urtero Emakundek. Diru-laguntza horren zenbatekoa bikoiztu egin da aurten, 200.000 eurotik 400.000 eurora igarota.
Izaskun Landaida Emakundeko zuzendariak laguntza horiek eskatzera animatu ditu enpresak. Laguntza horiei buruzko informazioa bihar argitaratuko da Euskal Herriko Agintaritzaren Aldizkarian (EHAA). Landaidaren hitzetan, "beste neurri batzuez gain, beharrezkoa da enpresetan berdintasunaren kultura sartzea, eta berdintasunari buruzko diagnostikoak eta planak egiteak aurrerapen handiak ahalbidetzen ditu ildo horretan".
Bestalde, argitara atera berri den Eusko Jaurlaritzaren Prospekzio Soziologikoen Kabinetearen "Soldata-arrakala eta genero-arrakalak lan-merkatuan" inkestaren arabera, inkestan parte hartu duten gehienek uste du berdintasuna sustatzea garrantzitsua dela enpresentzat eta ekonomiarentzat (% 98 erabat ados edo ados), eta Eusko Jaurlaritzak neurri gehiago bultzatzen jarraitu beharko lukeela gizonen eta emakumeen arteko soldata arrakala murrizteko (% 91 eta % 94, hurrenez hurren).
Albiste gehiago ekonomia
Epaileak Balenciaga ontziola erosteko baimena eman die Abu Dhabi Port eta Premier Marine enpresei
Eragiketa gauzatzen bada, 2024tik indarrean dagoen hartzekodunen konkurtsoari amaiera eman ahal izango dio Zumaiako enpresak.
Gasteizko lorezainen greba "ahalik eta lasterren" amaitzea espero du Etxebarriak
Maider Etxebarria Gasteizko alkatea "baikor" agertu da lorezainen grebaren amaieraren inguruan, "ahalik eta lasterren" amaitzea espero baitu.
Euskadira iritsiko den zenbatekoa jakin zain, Eusko Jaurlaritzak txalotu egin du elektrifikazioan aurreikusitako inbertsioa
Mikel Jauregi Industria sailburua pozik agertu da Rajoyren garaian ezarritako inbertsio-mugak ezabatzeko formulak aurkitu dituelako Espainiako Gobernuak, eta, aldi berean, positibotzat jo du inbertsio-hazkundea neurri handi batean industriari zuzenduta egotea. Datorren astean aldebiko bilera bat egingo dute bi administrazioek, proposamenaren xehetasunak zehazteko.
Espainiako Gobernuak 13.590 milioiko inbertsioa proposatu du sare elektrikoan 2030era arte, % 65 gehiago
Proposamenaren arabera, 14 aldiz handiagoa izango da kontsumitzaile berrientzako garraio-sarerako sarbidea, 27,7 gigawattera arte (GW), eta garrantzi berezia izango dute industriak (9 GW), hidrogeno berdeak (13,1 GW) eta datu-zentroek (3,8 GW). Sorreran, 150 GW fotovoltaiko, 60 GW eoliko eta 100 GW biltegiratze baino gehiagoko eskaerak erregistratu dira.
Gasteizko lorazainek 5.000 sinadura aurkeztu dituzte gatazka konpontzeko bidean Udalaren "benetako inplikazioa" eskatzeko
Martxotik greban dauden Enviser enpresako enpresa batzordeak 5.098 sinadura eraman ditu gaur San Martingo udal bulegoetara. Gasteizko Udalaren inplikazio handiagoa eskatu dute langileek, eta herritarrengandik jaso duten babesa eskertu dute.
KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.
Sabadelleko kontseiluaren arabera, BBVAren eskaintza ez da nahikoa, eta ez onartzeko gomendatu die akziodunei
Horren ustez, akzioak erosteko eskaintza "oldarkorra" da, "ez du bankuaren akzioen berezko balioa behar bezala jasotzen", eta Sabadellen proiektua "nabarmen gutxiesten du".
Merkatuek esperotakoa betez, % 2an mantendu ditu EBZk interes-tasak
Europako Banku Zentralak berretsi du inflazioa % 2ko helburuan egonkortzeko "erabakia" duela epe ertainera, eta, horretarako, tasak finkatzeko orduan, datuen araberako ikuspegia "bileraz bilera" aplikatuko dela.
Eusko Jaurlaritzak siderurgiako, makina-erremintako eta automobilgintzako muga-zergei buruzko mahaiak jarriko ditu martxan
Muga-zergen maparen "azken argazkiaren" faltan, Eusko Jaurlaritzaren kalkuluen arabera, EAEk AEBra egiten dituen esportazioek 349 milioi euro inguruko gainkostua izan dezakete, eta salmentek 700 milioi euro inguru egin dezakete behera, BPGa % 0,33 jaitsita. Salmenten murrizketa % 22-27koa izango litzateke kaltetutako produktuetan.
Kongresuak atzera bota du lanaldia murrizteko proiektua, PP, Vox eta Juntsen botoekin
Hiru alderdion baturari esker, Yolanda Diaz Lan ministroaren legealdiko proiektu izarrak bere bidea amaitu du Kongresuan. Bere hitzartzean, gogor mintzatu da Sumarreko burua, bereziki Juntsen aurka, eta ohartarazi du "borroka hau kalean irabazita" dagoela.