Glovoko langileen eskubideei buruzko lehen makro-epaiketa hasi dute Euskadin
Etxez etxe banatzaile lanetan aritzen diren Glovoko langileen eskubideak babesteko lehen epaiketa abiatu da gaur Bilbon. Guztira, 285 inguruk jo dute auzitara.
Gizarte Segurantzak demanda bat aurkeztu zuen behargin horiek autonomo moduan alta emanda egonik, Glovo iruzurra egiten ari zela ondorioztatuta.
ELA eta LAB sindikatuak ere aurkeztu dira epaiketara, langile horietako askoren defentsan.
ELA baikor agertu da; izan ere, dagoeneko badago Espainiako Auzitegi Gorenaren ebazpen bat, non banatzaile horiek Glovo konpainiako langileak direla berresten den.
"Epaiketa honen ondorioak oso garrantzitsuak izango dira. Langile horiek enpresarekin duten harremana argitzea ezinbestekoa da jasaten duten prekarietatearekin amaitu ahal izateko, eta ondoren beste hainbat eskari egin ahalko ziren, besteak beste, autonomo gisa ordaindu dituzten kuotak itzultzea", adierazi du ELAk.
LAB sindikatuak elkarretaratzea egin du Bizkaiko Justizia Jauregiaren aurrean langileei babesa adierazteko eta alderdi politikoen konpromisoa eskatu du auzi honetan langileen eskubideen alde egin dezaten.
Gaurko epaiketa "mugarri" izango dela uste du LABek, "prekarietatean dauden ehunka langile erregularizatzea ekarriko duelako".
Alabaina, eta Auzitegi Gorenak behargin horien alde egin duen arren, Glovok banatzaileen "oinarrizko eskubideak urratzen" jarraitzen duela salatu du sindikatuak.
Zure interesekoa izan daiteke
Interinoen abokatuak finkotasuna eskatu du, eta ELAren ustez, agerian geratu da Gobernuaren "borondate politiko eza"
Europako ebazpenaren ondoren, Auzitegi Gorenak erabakiko du nola bete behar den. Abokatuak iraungi beharreko finkoaren figura proposatu du. ELAk Auzitegi Gorenak arlo horretan emandako aurkako epaiak gogorarazi ditu, eta mobilizazioekin jarraitzeko deia egin du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.
Europar Batasuneko Justizia Auzitegiaren ustez, ez da nahikoa Espainiak interinoak mugagabe ez-finko bihurtzea
Europako Justiziaren ustez, egungo ereduak ez du bermatzen erantzun eraginkorrik, eta indartu egiten du 2024ko doktrina.
Fiskaltzak CAFen aurkako ikerketa abiatu du, Jerusalemgo tranbiaren eraikuntzan duen inplikazioagatik
Azpiegiturak Jerusalemen okupatutako lurraldeak eta Jerusalem mendebaldea lotzen ditu. Gizarte zibileko hainbat erakundek salaketa jarri dute Fiskaltzan, CAFeko administrazio kontseiluaren eta sei filialetako zuzendarien aurka, eta auzia Auzitegi Nazionalak ikertzea eskatu dute. LABek Jerusalemgo tren arinaren proiektua bertan behera uzteko eskatu dio CAF enpresari.
Iberiak Kubarako hegaldi zuzenak bertan behera utziko ditu ekainetik aurrera, energia krisia dela eta
Etenaldiak irauten duen bitartean, Kubara joan nahi dutenei Iberiak eskainiko die Panamara joatea, eta handik, uhartera. Habanan dituen bulegoak zabalik izango ditu Iberiak.
"Jo ta ke, hemen erabaki arte" lelopean, ELAk 1.500 euroko gutxieneko soldata propioa aldarrikatuko du Maiatzaren 1ean
Sindikatuak Confebasken jarrera kritikatu du, "euskal gizartetik gero eta urrunago" dagoelako, eta Pradalesi eskatu dio "gutxieneko soldata propioaren alde egiteko".
Bizkaiko Ogasunak 1.317 euro itzuliko ditu errenta aitorpenean, batez beste
Foru Ogasunak aurreratu du herritarren alde aterako dela errenta aitorpena, eta jakitera eman du zergadunen % 70i dirua itzuliko zaiela.
Energiaren prezioek, berriz ere gora: Brent petrolioa % 7 igo da, eta gas naturala, % 8,5
Estatu Batuek Iranen aurka egindako erasoaren aurretik, Brent upelaren prezioa 72 dolarrean zegoen; gaur, berriz, 102 dolarrera iristear dago.
Donostiako alkateak eskatu du turismo zerga uda honetarako ezarri ahal izatea
Donostiako alkate jeltzaleak, Jon Insaustik, turismo zerga uda honetan aplikatu ahal izatea galdegin du, eta alderdi politikoei eskatu die foru arauaren proiektuaren zuzenketen tramitea aprobetxa dezatela, hori posible izan dadin.