Jaurlaritzak 1.400 milioi euro bideratuko ditu 2025era arte eraldaketa digitalerako
Euskadiko eraldaketa digitalera 1.423 milioi bideratzea adostu du Eusko Jaurlaritzak, hemendik eta 2025era arte, “Euskadi 2025 Eraldaketa Digitaleko Estrategia” planean jaso bezala. Arantxa Tapia buru duen Garapen Ekonomiko, Jasangarritasun eta Ingurumen Sailak sustatu du plana eta gaur goizean Gobernu Kontseiluak onespena eman dio.
Legebiltzarrean den planak lau jarduera-eremutan antolatutako 18 ekimen zehatz biltzen ditu, eta horiek denek helburu izango dute “herrialdearen lehiakortasuna handitzea eta arrakala ekonomiko eta soziala murriztea”; era berean, Tapiak azaldu duenez, “digitalizazioa gizarte- eta lurralde-kohesiorako aktibo bihurtzea” nahi da.
Onetsi diren ekintzen artean nabarmentzekoa da Basque Artificial Intelligence Center (BAIC)-en sorrera. Esperimentazio-laborategi gisa funtzionatuko du, eta alor horretako proiektuak bizkortuko ditu.
Industria-mailan digitalizazioa sustatzeko neurriak ere jaso dituzte, enpresa ertain eta txikien digitalizazioa bultzatzera bideratuak, batez ere. Hala, helburutzat ezarri dute 2025erako 5Garen estaldura Euskadiko industria-guneen erdira hedatzea. Langileei IKT prestakuntza eskaintzen dieten enpresa txiki eta ertainen ehunekoa % 19,7tik % 30,7ra igotzea da beste helburuetako bat, bai eta enpresa txiki eta ertainen % 60k hodeian kokatutako informatika-zerbitzuak erabiltzea ere.
Data Center deiturikoak eratzea ere jasotzen du planak, datuen kudeaketa hobetzeko beharrezko teknologia sortzeko azpiegitura publiko-pribatuak.
Era berean, lehendik martxan zeuden hainbat ekimenetan sakonduko da, hala nola Basque Cybersecurity Centre (BSCS)-en, Banda Zabal Ultralasterreko Behatokian eta Metaposta zerbitzuan.
Tapiak gogorarazi du koronabirusaren pandemiak bizkortu egin duela Euskadin jada martxan zegoen digitalizazio-prozesuaren erritmoa eta ikuspegia: "Tresna digitalen aukerak ikusi dira, baina arlo horretan dauden desberdintasunak ere nabarmendu dira", gaineratu du.
Zure interesekoa izan daiteke
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.