Hasi da 2020ko errenta kanpaina Araban
Arabako 2020ko errenta kanpaina gaur, apirilak 7, hasi eta uztailaren 16an amaituko da. Foru Ogasunak ahalegin handiagoa egin du errenta aitorpena digitalizatzeko prozesuan, eta aurten, 132.800 arabarrengana iritsiko da; aitorpen guztien % 73.
Horrela azaldu du Itziar Gonzalo Ogasun, Finantza eta Aurrekontu Saileko diputatuak 2020ko errenta kanpainaren aurkezpenean. "Helburua da aitorpena errazago eta seguruago egin ahal izatea, pandemiaren eta herritarrak babesteko beharrezkoak diren neurrien ondorioz denok bizi dugun ezohiko garai honetan", azaldu du foru diputatuak.
Aurtengo berritasunetako bat da alokairuan bizi diren pertsonak eta alokatutako etxebizitza bat dutenak Rentafácilera sartu ahal direla. Horiek aitorpena osatu ahal izango dute Aldundiaren webean, hauei buruzko datuak sartuta: etxebizitza, alokairuaren etekinak edo alokairuaren kenkariak.
BAK gakoa
Diputatuak BAK gakoa erabiltzera animatu ditu herritarrak, zergadunek etxetik egin dezaten aitorpena, araba.eus webgunearen bidez.
Gaur egun, 70.000 pertsonak baino gehiagok erabiltzen dute BAK gakoa Foru Ogasunarekiko harremanetan. Sarbidea errazteko, Foru Ogasunak aktibazio kodea emango die Arabako zergadunei bidaliko dien jakinarazpen gutunean.
Datuen babesa indartzeko, aurten, jakinarazpen gutuna bidaliko da, proposamenak eta zerga datuak bidali ordez. NANa eta jakinarazpenean adierazitako zenbatekoa sartuta, likidazioa onartu ahalko dute, bai eta aitorpena ikusi ere, eta 48 orduko epean jasoko dute Foru Ogasunak itzuli behar dien zenbatekoa.
Rentared
Aitorpena online egiteko, Rentared laguntza-programa deskargatu eta nork bere burua identifikatu baino ez da egin behar, ziurtagiri elektroniko baten bidez edo BAK gakoa sartuta. Klik bakar batekin, aitorpena automatikoki egiten da Foru Ogasunak dituen datuekin, eta nahikoa da informazioa osatzea eta bidaltzea.
Aurrez aurreko arreta bulegoetan
Foru Ogasunak Gasteizen, Laudion eta Guardian dituen bulegoetan emango du aurrez aurreko arreta, segurtasuneko osasun-neurriak errespetatuz. Aurreko urteetan bezala, zergadun guztiak joan ahalko dira bulegoetara, salbu eta jarduera ekonomikoa egin dutenak, ohiko etxebizitza saldu dutenak edo higiezinak edo akzioak saltzeko hiru eragiketa baino gehiago egin dituztenak.
Era berean, honako hauek ere ezingo dute aitorpena Ogasunaren bulegoetan egin: kotizatu gabeko merkataritza sozietateen partaidetzak saldu dituztenek, lonjak eta apartamentu turistikoak alokatzearen ondorioz kapital higiezinaren etekinak lortu dituztenek edo 80.000 eurotik gorako lan etekin osoak jaso dituztenek.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.