Jaurlaritzak ez ditu aurreko krisialdian Itzarrirako ziren ekarpenak ordaindu beharko
Eusko Jaurlaritzak ez ditu ordaindu behar izango aurreko krisi ekonomikoan euskal administrazio publikoko funtzionario bakoitzagatik Itzarri Gizarte Aurreikuspeneko Planari eman ez zizkion zenbatekoak.
Hala, Euskal Autonomia Erkidegoko Justizia Auzitegi Nagusiaren epaia berretsi du gaur Auzitegi Gorenak. 2019an, epaitegi horrek arrazoia eman zion Eusko Jaurlaritzari, ErNE eta ELA sindikatuek jarritako helegiteen aurrean. Auzitegi Gorenak erabaki bera hartu du astearte honetan, eta sindikatu horiek jarritako helegiteak aztertu ondoren, ebazpena jakinarazi die.
Iturri juridikoek jakitera eman dutenez, Auzitegi Gorenak gaur goizean eman du epaia, eta horren edukia datozen egunetan jakinaraziko dute. Horrenbestez, epaitegiek atzera bota dute ErNE eta ELA sindikatuek egindako eskaera.
Eusko Jaurlaritzak, Mariano Rajoyren gobernuaren dekretua aintzat hartuta utzi zituen bertan behera Itzarriri egindako ekarpenak; izan ere, Rajoyren exekutiboak 2012an debekatu zuen aurreko krisi ekonomikoa iraun bitartean funtzionario publikoentzako pentsio-planetarako eta BGAEetarako ekarpenak egitea.
Sindikatuek helegitea aurkeztu zuten EAEko Justizia Auzitegi Nagusian, 2014ko urtarrilaren 1etik aurrera langile publikoek Itzarrira % 3ko ekarpenak egin zitzatela eskatuz, egun horretan pentsio-planei ordainketa horiek egiteko debekua kendu baitzen.
EAEko Justizia Auzitegi Nagusiak, ordea, atzera bota zuen bi sindikatuen eskaera, eta Auzitegi Gorenak gauza bera egin du orain.
Sindikatuek borrokan jarraituko dute ekarpenak lortzeko
ELAk ohar batean adierazi duenez, epaiaren ostean, "borrokan jarraituko dugu Eusko Jaurlaritzak Itzarriren murrizketarekin amaitzeko", eta kaltetutako langileei "euren eskubideen alde mobilizatzeko" deia egin die.
Sindikatu horrek nabarmendu duenez, Eusko Jaurlaritzan dauden alderdiek (EAJ eta PSE-EE) "uko egiten diote Itzarriri ekarpenak egiteari, bai, ordea, Elkarkidetzari", hau da, udaletako eta hiru foru aldundietako Borondatezko Gizarte Aurreikuspeneko Erakundeei, erakunde horietan ere gobernatzen baitute.
ELAk zehaztu du oraindik ez duela epaiaren berri, eta komunikabideen bidez ezagutu duela.
Bestalde, Erneko bozeramaile batek esan duenez, Eusko Jaurlaritzak 100 milioi euroko ekarpena egiteari utzi dio, eta Auzitegi Gorenaren epaia "bidegabekeria nabarmena" da.
Ertzaintzaren sindikatuak Auzitegi Konstituzionalean edo Europako Justizian helegitea jartzeko aukera aztertuko du; izan ere, EAEko funtzionarioentzat "diskriminatzailea dela" uste du, aldundietako edo udaletako beste langile publiko batzuekin alderatuta.
Albiste gehiago ekonomia
Bizkaiko anbulantzien "egoera larria" salatu du ELAk, eta publiko egitea eskatu du lizitazio berriaren aurrean
Sindikatuak Bizkanb aldi baterako enpresa-elkartearen kudeaketa kritikatu du eta anbulantzien erabilera desegokia salatu du.
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Bizkaiko autoeskoletako langileek hirugarren greba egunari ekin diote
Goizeko 08:30ean manifestazioa abiatu dute Bilboko Casilda Iturrizar Parketik Bizkaiko autoeskoletako irakasleek. Zazpi hilabete daramatzate sindikatuek patronalarekin negoziatzen, baina hainbat bilera egin eta gero, ez dute akordiorik lortu. Hirugarren greba eguna dute gaur, lan hitzarmena berritzea eskatzeko.
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.