EAEko esportazio datuek hobera egin dute eta % 4,7 hazi dira otsailean
Euskal Autonomia Erkidegoko (EAE) ondasunen esportazioak (1991,6 milioi euro) % 4,7 igo ziren otsailean, iazko hilabete berarekin alderatuta, Eustat estatistika institutuak gaur zabaldutako datuen arabera. Aitzitik, inportazioek (1.433,3 milioi) % 7,5 egin zuten behera otsailean.
Gauzak horrela, merkataritza saldoa berriro ere positiboa izan zen otsailean, 558,2 milioi eurokoa, hain zuzen ere.
Otsaila hilabete ona izan da EAEko hiru lurraldeetan, izan ere, hiruretan izan da hazkundea: Bizkaian, % 9,3; Gipuzkoan, % 2,1 eta Araban, % 1,8.
Araban, esportazioak garraio materialetan kontzentratzen dira (% 62,9), % 6,5eko hazkundearekin. Metalak eta haien manufakturak (-% 8,1) eta plastikoak, kautxua eta haien manufakturak gisa sailkatzen direnak (-% 24,9), berriz, jaitsi egin dira, % 8,1 eta % 24,9, hurrenez hurren.
Gipuzkoan gora egin dute material, makina eta aparatu elektrikoen esportazioek (% 8,4) eta baita metalen eta haien manufakturenak ere (% 11,0). Kontrara, % 21,1 egin dute behera garraiomaterialaren esportazioek.
Bizkaian material, makina eta aparatu elektrikoen esportazioak (% 12,1) ere gora egin du, baina nabarmenagia da landare erresumako produktuetan (% 484,2) eta elikagaien industriako produktuetan, edarietan eta tabakoan izandako hazkundea (% 115,0). Aitzitik, produktu mineral eta energetikoen esportazioak % 8,8 jaitsi dira, eta baita garraio materialarenak ere (% 5,8).
2021eko otsailean, bost herrialde (Alemania, Frantzia, Erresuma Batua, Belgika eta Italia) dira EAEko bezero nagusiak, esportazio guztien % 52,3 (1.042,3 milioi) berenganatuta.
Inportazioen kasuan, % 55,3 Europar Batasuneko herrialdeetatik heldu ziren, eta portzentaje hori % 61,4ra iristen da Erresuma Batua ere barruan sartuta.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.