Grebaren jarraipen zabalena, Hezkuntzan
EAEko sektore publikoan deitutako grebaren jarraipena desberdina izan da sektorearen arabera, Hezkuntzan nabarmena izan baita, baina Osasunean adibidez, oso eskasa (zerbitzu minimo handiak medio). Sindikatuek "Europako" behin behinekotasun "tasa altuena" amaitzeko eskatu diote Iñigo Urkullu lehendakariari.
ELAk, LABek, CC. OO.k, Satsek, Steilasek eta ESK-k greba eguna deitu dute gaur EAEko sektore publiko osoan behin behineko lanpostuen egonkortasuna eskatzeko. UGTk eta Interinoak Taldeak ez dute bat egin gaurko deialdiarekin.
Lanuztearen jarraipena desberdina izan da sektoreka. Sindikatuen arabera, % 55ekoa izan da Hezkuntzan, eta langileen herenak bat egin du Justizian, baina Osakidetzan oso baxua izan da, zerbitzu minimoak oso handiak izan direlako. Garraio publikoan ere eragina izan du, eta EITBn soilik informatiboetan egin dute lan.
Langileen ordezkariek azpimarratu dute grebaren eragina oso zabala izan dela behin behinekotasun tasa handienak dituzten sektoreetan.
Eusko Jaurlaritzaren datuek baieztatu egiten dute jarraipen zabalena Hezkuntzan egon dela, nahiz eta portzentajea % 29,4ra jaitsi duen.
Gainera, Administrazio orokorrean langileen % 16,4k egin dute lanuztea, eta % 15,5ek Lanbiden. Jaurlaritzaren arabera, Justizian eta Osakidetzan % 2,84koa eta % 2,87koa izan da jarraipena.
Kalean, berriz, erantzuna oso zabala izan da, EAEko hiru hiriburuetan antolatutako manifestazioetan jende andana elkartu baita, 18.000 inguru, deitzaileen arabera.
Bilbokoan, handienean, Igor Eizagirre ELAren Zerbitzu Publikoetako idazkariak esan du gaurko protestarekin erakundeei helarazi behar zaien mezua dela "amaitu egin behar dutela sektore publikoan pribatizazioaren aldeko apustuarekin, eta sektore publikoko behin behineko 60.000 langileen egoera kontsolidatu".
Garbiñe Aranburuk, LABen idazkari nagusiak, "enplegu publiko gehiago eta prekarietatea amaitzea" aldarrikatu du, eta salatu du behin behinekotasunak "emakume aurpegia" duela, % 69 baitira.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".