Sektore publikoko behin-behineko lanpostuak egonkortzeko eskatu dute sindikatuek
Manifestazio jendetsuak egin dituzte eguerdian Bilbon, Donostian eta Gasteizen, EAEko sektore publikoan gaurko deituta dagoen greba deialdiaren harira. Lanpostuak egonkortzea eta gehiegizko behin-behinekotasun tasarekin amaitzea eskatu dute, besteak beste.
Zerbitzu publikoak egonkortzea aldarrikatzen dute; izan ere, salatu dutenez, ia 60.000 behargin publiko kontratu finkorik gabe ari dira lanean.
Eguneko manifestazio nagusiak eguerdian (11:30) egin dituzte Bilbon, Donostian eta Gasteizen. Bilbokoa Jesusen Bihotza plazatik atera eta Eusko Jaurlaritzaren egoitzaren aurrean amaitu da; Donostiakoa Bulebarren hasi eta amaitu da; eta Gasteizkoa udaletxean hasi eta Arabako Diputazioaren egoitzaren aurrean bukatu da.
Bilboko mobilizazioa hasi aurretik, egunaren balorazioa egin dute ELA, LAB eta CCOO sindikatuek. Prekaritatearekin amaitzea eta enplegua egonkortzea galdegin diote Eusko Jaurlaritzari, lan eskaintza publiko gehiago eskaerarekin batera.
Igor Izagirre (ELA): "Behin-behineko langileen artean grebaren jarraipena oso zabala da''
Igor Izagirre ELA sindikatuaren sektore publikoko arduradunak pribatizazioa albo batera uzteko eta sektore publikoko bitarteko langileak (60.000 guztira) egonkortzeko eskatu die erakundeei.
Horrela, Urkullu lehendakariari zuzenduta, "Europako eta Estatuko behin-behinekotasun tasarik altuenarekin amaitzeko" zer egingo duen galdetu dio. Gaineratu duenez, bien bitartean, ELAk kalean jarraituko du "aldi baterako langileen enplegua bermatu arte".
Garbiñe Aranburu (LAB): ''Zerbitzu publikoak defendatzea sektore publikoan kalitatezko enplegua defentzea da''
Garbiñe Aranburu LABeko idazkari nagusiak, bere aldetik, prekaritatearekin amaitzea eta lan eskaintza publiko gehiago egitea aldarrikatu du. Salatu duenez, behin-behinekotasunak emakumezko aurpegia du; izan ere, behin-behineko kontratua duten langileen % 69 emakumeak dira.
"Egonkortze prozesuak martxan jarri behar dira". Ildo horretan, administrazio bakoitzaren errealitatea aintzat hartzea eskatu du.
Loli Garcia (CCOO): ''Zerbitzu publikoak aldarrikatzeko eguna da gaurkoa''
Loli Garcia CCOOko idazkari nagusiak azpimarratu duenez, sektore publikoko behin-behinekotasun tasak "ez dira jasangarriak", eta Eusko Jaurlaritza, Foru Aldundiak eta Udalak egin ditu prekarietate maila horien erantzule.
"2010. urtean lortutako akordioa betetzea eskatzen dugu, behin-behinekotasuna % 8ra jaisteko, orain % 40tik gorakoa baita", adierazi du Garciak.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".