Eukalipto lursailak areagotu dira, pinuen xingola marroiaren gaitzak lagunduta
Pinudiei erasaten dien xingola marroiaren gaitzak eukalipto lursailak areagotzea lagundu duela onartu du Bizkaiko Foru Aldundiak. Gainera, lursail pribatuetan eukaliptoak landatzea murrizteko tresna juridikorik edo araurik ez dagoela aitortu du foru erakundeak.
Horregatik, Bizkaiak eukaliptoak landatzea mugatzeko neurriak iragarri ditu dagoeneko. Era berean, lurraldeko basoetan lursail pribatuak erosteko egitasmo bat garatzeko konpromisoa hartu du Aldundiak.
Amaia Antxustegi Jasangarritasun eta Ingurumen foru diputatu berriak datozen bi urteetarako lehentasunak azaldu ditu Bizkaiko Batzar Nagusietan, Aldundiak jakitera eman duenez.
Duela 12 urtetik Aldundiak ez ditu eukalipto landaketak diruz laguntzen, eta orain "pauso bat gehiago" emango duela azaldu zuen Antxustegik ostiralean. Baso sektorea babesteko laguntza plan berri bat iragarri zuen, baso autoktonoek espezie aloktonoak ordezkatzeko. Horrela, osasun mozketak ez dituzte finantzatuko, ondoren eukaliptoa landatzeko baldin badira.
Horregatik, Bizkaiko eskualde guztiak lehengoratzeko eta basoberritzeko proiektuak garatuko ditu Aldundiak, "erakundearenak diren basoetan zein erosiko dituen lursail pribatuetan".
Konkretuki, helburua "bertako espezieekin landatzeko baso erosketa plan bat" martxan jartzea da, foru arduradunak azpimarratu zuenez.
Eukaliptoak Etxanon (Bizkaia). Artxiboko argazkia: Iosue
Bestalde, Gipuzkoak basoak mozteko gutxieneko tartea 25 urtera luzatu du, xingola marroiaren gaitzak jotako pinu lursailetan eukaliptoa bezalako zuhaitzak ez landatzeko. Hazteko ziklo askoz laburragoa dute eukaliptoek.
Horrela, eukalipto-sailak 10 urterekin moztea ezinezkoa izango da aurrerantzean, orain bai, ordea. Pinudiak ebakitzeko tarte bera ezarri du Gipuzkoak, 25 urte, alegia (bertako beste espezieek urte gehiago behar dituzte).
Nahiz eta eukaliptoaren presentzia Gipuzkoan "esanguratsua ez izan"-basoen % 1, azken inbentarioaren arabera-, foru erakundeak "aurrea hartzeko eta prebenitzeko" erabakia hartu du.
Sail mota horiek "masiboki" areagotzeak sor dezakeen "desoreka" eragotzi nahi du Aldundiak, isurialde atlantikoko beste zonalde batzuetan gertatu izan delako, iragan asteazkenean foru erakundeak ohar batean azaldu zuenez.
Gobernu Kontseiluak aste honetan onartutako neurria indarrean sartu ostean egiten diren landaketa berriei eragingo die arauak.
"Baso politika eraginkor batek epe laburrera baino, etorkizuneko erabakiak hartzea behar du. Lurraldeko basoen aktiboak kontserbatzea da xedea, baso kudeaketa jasangarrian sakonduz", nabarmendu du Aldundiak.
Eukalipto adar bat Laudion (Araba). Artxiboko argazkia: Santiago Barron
Arantxa Ariztimuño Baso eta Ingurumen zuzendariak esan duenez, "basoek gizarteari eskaintzen dizkion aktiboak babesten laguntzeko" asmoa dute: "paisaia, ingurumena, bioaniztasuna, baliabide berriztagarriak edo naturaz gozatzea, lurraldearen baso kulturatik abiatuta".
Ariztimuñoren ahotan, "belaunaldi aldaketaren egiturazko erronkari aurre egin behar dio sektoreak" eta xingola marroiaren gaitzak "inflexio puntu eta bidegurutze bat " suposatzen du lurjabe askorentzako; izan ere, "pinudiak ordezkatu behar izan dituzte".
Pinuak baino etekin handiagoa eskaintzen duten espezieen alde egin du gehiengoak, baina kanpoko enpresek eta inbertitzaileek ere lursailak erosi dituzte.
"Eragotzi nahi dugun aukera da, ingurumenean izan ditzakeen ondorioengatik, errotzea Gipuzkoako baso jabeen ezaugarrietako bat delako", azpimarratu du.
Gipuzkoaren erliebea menditsua denez eta euria sarri egiten duenez, lurraldea "higaduraren aurrean bereziki zaurgarria" da, eta basoak "ahultasun horren aurrean babes nagusia" dira- lurraldearen % 63 basoak dira-.
Azkenik, Ariztimuñok ziurtatu duenez, Aldundiak "jabeekin elkarlan estuan jarraituko du, baso sektorearen etorkizuna bermatzeko, diru-laguntzen bidez, eta kudeaketa eta belaunaldi aldaketan sakonduz, bioaniztasunaren eta pasaiaren berme direlako".
Zure interesekoa izan daiteke
Txerri izurriaren birusarekin lan egiten duten zentroen auditoretza agindu du Generalitateak
Era berean, nabarmendu du agerraldia ez dela iritsi eremuaren barruan dauden 55 etxaldeetako bakar batera ere. Hartara, abeletxe horietako txerrien haragia Espainiako merkatuan kontsumitzen hasiko da.
Guggenheim patronatuak ezetz esango dio Urdaibaiko museoa eraikitzeari
EITB Mediak jakin ahal izan duenez, Urdaibaiko Guggenheimen etorkizuna abenduaren 16an argituko da. data hori aukeratu du patronatuak proiektuarekin zer egin aztertzeko. Badirudi alboratuta geratuko dela, bideragarritasunaren inguruko zailtasunak ikusita.
Metro Bilbaoren 4. lineak Matiko eta Alonsotegi lotuko ditu
Metroaren linea berria Matiko, Deustu, Parke, Moyua, Irala, Errekalde, Basurtu, Zorrotza eta Irauregiko geltokietatik igaroko da. Gaur, Eusko Jaurlaritzak eta Bizkaiko Foru Aldundiak 4. linea eraikitzeko eta finantzatzeko akordioaren xehetasunak aurkeztu dituzte.
Jauregik ziurtzat jo du bazkide berriak "helduko" direla Ayesaren erosketarako sortutako partzuergora
EH Bilduk ohartarazi duenez, operazioaren iragarpenak erosketa "garestitu" dezake oraindik erabat itxita ez dagoelako.
Aurrekaririk ez duen negozioa izango da Munduko Futbol Txapelketa
2023-26 planaren barruan, txapelketaren antolakuntzak 3756 milioi dolarreko aurrekontua du, eta 13.000 milioi dolar inguruko diru-sarrerak izateko aurreikuspena.
Confebaskek zalantzan jarri du ELAk herrialdeari egiten dion ekarpena, eta Lakuntzak erantzun du "hitzarmen gehien eta hoberenak" lortzen dituela
Tamara Yagüe Confebaskeko presidenteak kritikatu du sindikatuak borrokara jotzen duela "bide bakar gisa, elkarrizketaren eta negoziazioaren kaltetan".
Tamara Yague, Confebasken presidentea: "Zer ekarpen egiten dio ELAk herrialdeari?"
Tamara Yague Confebasken presidenteak mezu gogorra helarazi du ELA sindikatu nagusiaren aurka, sindikatuak patronalaren aurkako salaketa aurkeztu ostean. Yaguek kritikatu du sindikatuak borrokara jotzen duela bide bakar gisa, elkarrizketaren eta negoziazioaren kaltetan.
Oposizioko taldeek osoko zuzenketak aurkeztu dizkiete Arabako aurrekontuei
Oraingoz, Foru Gobernuak ez du aurrekontuak aurrera ateratzea bermatuta, eta elkarrizketak izaten jarraitzen du, batez ere Elkarrekin Podemosekin. Talderen baten babesa edo abstentzioa lortzen ez badu, aurtengo kontuak luzatu beharko ditu.
Sindikatuek greba mugagabea deitu dute urtarrilaren 27tik aurrera eta asteartero Osasun Ministerioari profesional guztientzako Esparru-Estatutua eskatzeko
Mahaiak Osasun Sistema Nazionaleko langile guztien lan-baldintzak hobetzea du helburu, sanitarioena eta ez sanitarioena, "salbuespenik gabe, pribilegiorik gabe eta distortsiorik gabe". Ministerioa sindikatu mediku batzukein Estatutua paraleloan negoziatzen ari dela kritikatu dute.
Ayesaren etorkizuneko egoitza Zamudion edo Donostian egongo da
Eusko Jaurlaritzak, BBK Fundazioak eta Kutxabankek sortutako Indar funtsak osatutako partzuergoak irabazi du Ayesaren dibisio teknologikoa erosteko eskaintza, eta akordioa urte amaierarako itxita egotea espero du.