Aldundiak ez du lege aldetik trabarik ikusten Corrugados berriro irekitzeko
Jabier Larrañaga Gipuzkoako Ekonomia Sustapen, Turismo eta Landa Inguruneko diputatuak gaur goizean adierazi duenez, Corrugados berriro irekitzea Azpeitiko Udalaren "borondate politikoaren" baitan dago, izan ere, "ez dago horretarako oztopo legalik".
Elkarrekin Gipuzkoak eskatuta, Larrañagak agerraldia egin du gaur Gipuzkoako Batzar Nagusietan; diputatuari galdetu diote ea Corrugados berriro zabaltzeko proposamen irmorik eta bideragarritasun planik ba al dagoen, eta ea Cristian Lay enpresaren (Corrugadosen jabea den Gallardo Taldea iaz erosi zuenak) egungo proposamenak ingurumen baldintzak betetzen al dituen.
Larrañagak berretsi du proiektua "bideragarria" dela araudiaren ikuspuntutik, "ingurumen baldintzak betetzeko beharrezkoak diren inbertsioak" egiten badira. Azpimarratu duenez, Udalaren esku dago "HAPO aldatzeko" aukera, lantegia berriro ere hirigunean ireki ahal izateko.
Larrañagak lantalde bat sortzea proposatu du, "Aldundiko, Eusko Jaurlaritzako eta Udaleko teknikariekin eta legezko ordezkariekin, dauden aukerak bateratzeko".
"Ez dago proiekturik"
Azpeitiko Udaleko alkate Nagore Alkortak (EH Bildu) adierazi du, aldiz, egungo Hiri Antolamenduko Plan Orokorrak (HAPO) ezinezko egiten duela Corrugados enpresa Amuen, hirigunean dagoen egungo kokalekuan irekitzea, Aldundiarekin eta Eusko Jaurlaritzarekin kontsultatu dutenez, HAPOan aldaketa bat egiteko, Urola kostako Lurraldeko Plan Partziala aldatu beharko litzateke eta bi administrazioek dagoeneko ukatu dute aukera hori "ez delako egingarria", Alkortak adierazi duenez.
Asteartean Azpeitiko Udalean egindako ezohiko osoko bilkuran gaia aztertzeko lantalde bat sortzea eskatu zuen EAJko taldeak. Alkortak, aurreko osoko bilkuran bezala, zera ziurtatu zuen, gaur-gaurkoz ez dagoela enpresaren aldetik eskaera formalik, "ez dago proiekturik, ezta bideragarritasun-planik ere. Hiru hilabete daramatzagu existitzen ez den zerbaiti buruz eztabaidatzen".
Talde jeltzalearen berariazko eskaerari erantzunez, honako hau esan zuen irmoki: "Eskatzen ari zaretena Amuen Corrugados irekitzea baimenduko den ala ez eztabaidatzea bada, legez kanpokoa izango litzatekeen zerbait, erantzuna ezezko borobila da".
Alkateak adierazi du eztabaida Udaleko idazkariaren txostenarekin amaitu zela, zeinak dioen "Azpeitiko hirigunean, Amue inguruan, siderurgia bat martxan jartzea indarrean dagoen legeriaren aurka" doala.
"Proiektu erreal, egingarri eta legezko" bat mahai gainean duten egunean "lanean jarriko" direla azaldu zuen Alkateak osoko bilkuraren amaieran, bi taldeek ere helburu duten ekonomiaren eta ehun industrialaren sustapenerako.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.