EBk azken oniritzia eman du Espainiak europar funtsak jaso ditzan
Europar Batasuneko (EB) Ekonomia eta Finantza ministroek azken oniritzia eman diote astearte honetan Espainiako susperraldi-planari; hortaz, espainiar Estatua 2026ra arte EBren susperraldi-funtsak pandemiagatik emango dizkion 69.500 milioiak jasotzen hasi ahalko da.
Lehen ordainketa 9.000 milioi eurokoa izango da; Europako Batzordearen aurreikuspena da hurrengo asteotan ematea, azken dokumentu ofizialak sinatuta.
Espainiaren planaz gain, ministroek herrialde hauetako planak ere onartu dituzte: Austriarena, Belgikarena, Danimarkarena, Frantziarena, Alemaniarena, Greziarena, Italiarena, Letoniarena, Luxenburgorena, Portugalena eta Eslovakiarena. Horiek eskuratu zuten EBren abala gainerako herrialdeek baino lehen 800.000 milioiko funtsaz etekina ateratzeko.
Nadia Calviño Espainiako lehen presidenteorde eta Ekonomia ministroaren iritziz, EBren oniritziak "Next Generation funtsaren inbertsioak eta erreformak ezartzeko bidea errazten du; hala, susperraldia indartsua, berdea, digitala, inklusiboa eta bidezkoa Europan". Hala idatzi du Twitterren Madriletik; Ministroen Kontseilu berriaren lehen bilera egin dute bertan.
Espainiak, funtsa baliatuz, hau egingo du: mugikortasun jasangarriaren programak ezartzea, etxebizitza birgaitzea, Administrazio publikoak modernizatzea edo enpresa txiki eta ertainak digitalizatzea, besteak beste. Halaber, erreforma batzuei helduko die: lan-merkatuarena, pentsioena, eta fiskala.
Bruselak uste du planak Barne Produktu Gordinaren % 2,5 emango diela herrialdeei soilik inbertsioen bidez; erreformaren eragina ere kontuan izanik, % 10ekoa ere izan liteke.
Pauso formal bat falta da
Kontseiluaren oniritzia eskuratuta, Espainiak 9.000 milioiko aurrerapena bereganatzeko, azken pauso formal bat falta da: Espainiako Gobernuak eta Europako Batzordeak finantzazio-akordioa sinatu behar dute. Espainiako Gobernuak ahalik eta lasterren egin nahi du, baina baliteke aste batzuk barru izatea.
Bruselaren ustez, akordioak uztailaren amaierarako egon litezke sinatuta, eta lehen ordainketak hurrengo asteotan egin litezke; hala adierazi dute Valdis Dombrovskis EBren presidenteordeak eta Paolo Gentiloni Ekonomia komisarioak. Gainerako ordainketak sei hilekoak izango dira, eta baldintzatuta izango dira: herrialdeek erakutsi beharko dute Batzordearekin finkatutako egutegian betetzen ari direla euren planen helburuak.
Espainiak, aurten, aurreikusten du 10.000 milioi euro jasotzea; 2020ko martxotik 2021eko ekainera arte, 50 helburu baino gehiago gauzatu ditu, eta, ondorioz, Pedro Sancehezen Gobernuak espero du arazorik ez izatea jasotzeko.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.