Ekaineko KPIa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Prezioak % 2,6 igo dira Euskadin eta % 2,8 Nafarroan 2021ean

KPIa hamarren bat igo da Euskadin, elektrizitateak bultzatuta, eta tasa % 2,9an kokatu da. Nafarroan, ordea, kontrakoa gertatu da, eta tasa hamarren bat jaitsi da maiatzarekin alderatuta, % 3,2an utzita.
Argindarraren fakturaren garestitzea izan da igoeraren ezaugarri nagusia. Eskubiderik gabeko irudia.
author image

Agentziak | EITB Media

Azken eguneratzea

KPIren urtetik urterako tasak goranzko joerarekin jarraitzen du ekainean Euskadin, seigarren hilabetez jarraian. Hala, % 2,9an kokatu da, elektrizitateak bultzatuta 2017ko otsailetik bizi izan den hazkunderik handiena da hori. Nafarroan, aldiz, tasa hamarren bat jaitsi da, eta % 3,2an gelditu da. Bi erkidegoetan, prezioak % 0,6 igo dira maiatzarekin alderatuta, Espainiako Estatistika Institutuak (INE) jakitera eman dituen azkenengo datuen arabera.

Urtea hasi zenetik, Gipuzkoan igo dira neurri handiagoan prezioak (% 2,9); Araban eta Nafarroan, aldiz, % 2,8 handitu dira eta Bizkaian % 2,4.

Kontuak horrela, 2021eko inflazioa % 2,6koa izan da Euskadin, eta % 2,8koa Nafarroan.

Aldaketak prezioetan

Produktu- eta zerbitzu-multzoen arabera, Euskal Autonomia Erkidegoko urte arteko tasaren igoerari dagokionez, Etxebizitza da igoerarik handiena pairatu duen arloa (% 11); hurrengoek jarraitu dute igoera: Garraioa (% 9), Etxeko gauzak (% 2), Elikagaiak eta alkoholik gabeko edariak (% 1,4), Bestelakoak (% 1,3), Jantziak eta oinetakoak (% 1,0), Medikuntza (% 0,6), Irakaskuntza (% 0,6), Hoteletan, kafeetan eta jatetxeetan (% 0,6),

Bestalde, urte arteko indizeak behera egin du Komunikazioetan (-% 4,5), Aisialdian eta Kulturan (-% 1,6), alkoholdun edarietan eta tabakoan (-% 0,1).

Nafarroaren kasuan, prezioen igoerarik handienak, iazko ekainarekin alderatuta, Etxebizitzari (% 12,4) eta Garraioari (% 8,8) dagozkie. Ondoren, Etxeko tresnak (% 2,7), Elikagaiak eta alkoholik gabeko edariak (% 2,1), Medikuntza (% 1,8), Irakaskuntza (% 1,7), Bestelakoak (% 1,4) eta Jantziak eta oinetakoak (% 0,9).

Aitzitik, ekaineko KPIak behera egin du urte arteko tasan Komunikazioetan (-% 4,6), Aisialdian eta kulturan (-% 0,9), Hoteletan, kafeetan eta jatetxeetan (-% 0,5) eta alkoholdun edarietan eta tabakoan (-% 0,1).

Argindarraren prezioak goia jo du ekainean: 82,93 euro/MWh
Ekonomia Nafarroa Euskal Autonomia Erkidegoa KPI Eguneko Titularrak

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu