Tubacexen zuzendaritzak ohartarazi du gaur dela bere proposamenari erantzuteko azken eguna
Tubacexen zuzendaritzak sindikatuei ohartarazi dienez, gaur dute azken eguna bere proposamenari erantzuteko, alegia, kaleratutako beharginei lanera itzultzeko egindako eskaintzari erantzuteko.
Enpresak asteartean jakinarazi zuen enplegu-erregulazio espediente (EEE) bidez kaleratutako 129 beharginak euren lanpostuetara itzultzea onartu zuela. Itzulera "mailakatua" proposatu zuen, uztailaren 26tik azaroaren 30era bitarte. EAEko Auzitegi Nagusiak Tubacexen espedientea baliogabetu eta 15 egunera egin zuen iragarpena.
Ohartarazpenaren aurrean, Mitxel Lakuntza ELAko idazkari nagusiak azpimarratu du zuzendaritzarik "15 lerroko folio bat" baino ez duela aurkeztu (bertan iragarri zuen langileak berriro onartuko zituela). "Ezin dugu ontzat eman", erantsi du, eta lanera itzultzea "bermeekin eta xantaiarik gabe" egin behar dela nabarmen du. Radio Euskadin egin dioten elkarrizketa batean, "garaipen sindikaltzat" jo du zuzendaritzaren jarrera aldaketa (hasiera batean, ez hartzea ebatzi zuen), baina zehaztu du itzulera hori zelan egin negoziatu behar dutela.
Bien bitartean, negoziatzeko deia egin die bi aldeei Arantxa Tapia Eusko Jaurlaritzako Garapen Ekonomiko, Jasangarritasun eta Ingurumen sailburuak. Esan duenez, sektoreak "oso txarto pasatu du", baina orain "halako susperraldi bat" izan da, eta "kontratu gehiago daude, aurrera irteteko aukera gehiago".
"Uste dut orain badagoela aukera negoziatzeko. Tubacexek bere jarrera aldatu du, eta prest dago pertsona horiek guztiak berriro enpresan sartzeko eta lanera bueltatzeko. Beraz, baikortasunerako leiho bat badagoela uste dut, baina ez dago zalantzarik negoziazio hori bien artean egin behar dutela".
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.