Sanchez: "Argindarraren prezioa 2018an ordaindutakoaren parekoa izango da urte amaieran"
Urte amaierarako, argindarraren prezioa 2018an ordaindutakoaren parekoa izateko konpromisoa hartu du Pedro Sanchez Espainiako Gobernuko presidenteak igande honetan.
"Konpromiso zehatz batera iristeko plan bat lantzen ari gara: urte amaieran herritarrek atzera begiratzea eta ikustea argindarraren fakturan 2018an ordaindu zutenaren antzera ordaindu dutela. Horixe da gure helburua eta konpromisoa. Urte amaieran, batez besteko kontsumoarekin, 2018an ordaindu zutenaren antzekoa ordaintzea, jakina, KPIa alde batera utzita", esan du Sanchezek El Pais egunkarian egindako elkarrizketa batean.
Bere esanetan, Espainiako Gobernuak egiturazko erreformak abiatu ditu, eta, argindarraren prezioa jaisteko asmoz, "ezinbesteko gutxieneko kontsumoa" sortzea aztertzen ari da.
Tesuinguru horretan, Sanchezek azaldu du gauza bat dela energiaren merkatuko handizkako prezioaren bilakaera, eta beste bat argindarraren faktura. "Faktura hilero ordaintzen dugu. Egunero horri buruz eztabaidatzea ez du zentzurik, argia ez baitugu egunero ordaintzen", esan du.
Gauzak horrela, Espainiako Gobernuak handizkako prezioaren bilakaera moteldu dezakeela gaineratu du. "Egiturazko erreformak egin ditugu, energia berriztagarrien aldeko apustu irmoarekin, ez bakarrik klima aldaketagatik, baizik eta merkeagoa delako ere".
Gainera, BEZa % 21etik % 10era jaitsi dutela gogorarazi du. "Horrek 28.000.000 kontsumitzaileri egiten die mesede; 2.800.000 enpresari. Estatuak 1.400.000 euro gutxiago bilduko ditu. Horrek argiaren fakturaren bilakaera % 12 moteltzen du".
Unidas Podemosek enpresa publiko bat sortzeko egindako proposamenaren harira, gai hori koalizio-gobernuko programan eztabaidatu zutela eta "akordiotik kanpo" geratu zela esan du Sanchezek. "Ez da koalizio-akordioaren parte", gaineratu du.
Krisi honek koalizio-gobernua hautsi ote dezakeen galdetuta, Sanchezek esan du dagoeneko sinatutako konpromisoen % 34 bete dituztela (urte amaierarako % 38 izanngo dira), eta bi alderdien arteko akordioa "azken egunera arte" indarrean jarraituko duela gaineratu du.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.