Langile bat hil da Zanbranan, zuhaitzak mozten ari zela
38 urteko langile bat hil da astelehen honetan Zanbranan (Araba), zuhaitzak moztean. Gertakaria 12:15 aldera izan da, Ertzaintzak lan-istripuaren abisua jaso duenean. Eusko Jaurlaritzako Segurtasun Sailak langilearen heriotzaren berri eman du.
Laneko Segurtasun eta Osasunerako Euskal Erakundeko (Osalan) teknikariak tokira joan dira ezbeharraren arrazoiak ikertzeko eta ustezko erantzukizunak zehazteko.
Foru Aldundiko suhiltzaileak bertaratu dira zaurituari laguntzeko, baina ezin izan dute ezer egin haren bizia salbatzeko.
Hildakoa Castelloko (Valentzia) Contrachapados Archena enpresako behargina zela zehaztu du ELA sindikatuak agiri batean. Dirudienez, azpikontrata Ebroko erriberan lursail bat mozten ari zen, Miranda Ebroko mugatik (Burgos) gertu.
ELAk erantsi duenez, aurreneko zantzuen arabera, enborrari eusten zion petrala hautsi da, eta langileari gainean erori zaio.
Gorpua altxatzeko agindua eman ondoren, Gasteizko Auzitegiko Medikuntza Institutura eraman dute, autopsia egiteko.
ELAk agirian gogorarazi duenez, aurten Araban hil den laugarren behargina da. Biktimaren senideei eta lagunei elkartasuna eta babesa adierazi ondoren, ELAk prekarietatea salatu du, "eta are gehiago baso sektorean".
"Lan baldintza gogorrei erakunde publikoen utzikeria" gehitu behar zaiela kritikatu du sindikatu abertzaleak. ELAren hitzetan, ezbeharrak baldintza horien "ondorio zuzena" dira.
Era berean, lan-istripu "bereziki larria" dela adierazi du LABek; izan ere, Arabako Foru Aldundiak lanak zuzendu ditu, "eta azpikontrata kate batek azken katebegiaren heriotza eragin du, langilea".
LABen ahotan, Ramiro Gonzalez Arabako ahaldun nagusia "heriotza berriaren arduradun politikoa da"; izan ere, "bere eskuetan dago" laneko segurtasuna eta kontrola betetzeko neurriak kontratazio agirietan jasotzea.
Gehiengo sindikalak elkarretaratzea deitu du asteazken honetarako Gasteizen, Arabako Foru Aldundiaren egoitza aurrean, lan-istripuak salatzeko.
Zure interesekoa izan daiteke
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.