Chivite: "Badirudi gaia nahiko garbi dagoela eta ibilgailu elektrikoa Landabenera iritsiko dela"
Maria Chivite Nafarroako Gobernuko presidenteak ostiral honetan adierazi duenez, "Volkswagenen lantegiaren bideragarritasuna eta enplegu guztia bermatzeko" lanean ari dira, eta "ibilgailu elektrikoaren etorrera ixtea zen lehena eta funtsezkoa". Nafarroako presidenteak azaldu duenez, "gaia nahiko garbi dago" eta laster zehaztu daiteke.
Kazetarien galderei erantzunez, Volkswagen "une bikaina" bizitzen ari dela esan du Chivitek, "lantegiaren historiako lan karga handiena duelako". "Nafarroako Gobernua eta Espainiakoa lanean ari dira ibilgailua eraldatzeko eta lantzen joan garen errealitate bat lortzeko, ibilgailu elektrikoa gure Erkidegora iristea, eta badirudi gaia nahiko garbi dagoela eta horrela izango dela", gaineratu du.
Chivitek esan duenez, 2030ean Europan ezin izango dira errekuntzako ibilgailuak egin, eta "oso garrantzitsua da ibilgailu elektrikoa iristea, instalazio horren etorkizuneko bideragarritasuna bermatzeko".
"Hau gauzatzeko lanean jarraitu behar dugu", azpimarratu du Nafarroako presidenteak, eta horretarako "batasun sindikala, instituzionala eta politikoa" egon behar dela gaineratu du. "Lantegiko zuzendaritzarekin, automobilgintzako klusterrarekin eta Espainiako Gobernuarekin lanean ari gara, eta Volkswageneko enpresa batzordearekin bilera egingo dugu", esan du.
Maria Chivitek adierazi duenez, "nik ez dut mahai gainean zenbakirik ikusi" eta "beraz, ez naiz zehaztu ez diren gauzetan sartuko". "Landabenek aurrera egingo du, horretarako lanean ari gara eta batasun politiko, sindikal eta instituzionala eskatzen dut", adierazi du.
Bestalde, Raquel Sanchez Garraio, Mugikortasun eta Hiri Agenda ministroak esan du "erabat ziur" dagoela ibilgailu elektrikoa "hemen ikusi eta indartuko" dutela.
Alfredo Morales Langile Batzordeko presidentearen esanetan, ibilgailu elektrikoaren ekoizpenaren zerbait hartuko du Landabenek. Hortaz, modelo berria etorriko dela, baina oraindik ez dagoela inolako erabakirik hartuta esan du.
Bestalde, EITBk jakin ahal izan duenez, datorren astera begira Landabenek bostik lau egunetan lan egingo du, osagaien falta dela eta itxita egon ostean.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".