N-1eko eta A-15eko bidesariak 2023 urteko hasieran jarriko ditu martxan Gipuzkoak
N-1 eta A-15 errepideak erabiltzen dituzten ibilgailu astunek bidesaria ordaintzeko lehen pausoa eman du Gipuzkoak gaur, foru gobernuak aurreproiektuaren arau berria onartuta. Batzar Nagusiek izapidetu eta eztabaidatuko dute orain dekretua, eta Aldundiak espero du urtea amaitu baino lehen onartuta egotea, sistema 2023an martxan egon dadin. Proiektuak 25,3 milioi euroko aurrekontua du.
Aspaldikoa bezain katramilatsua da auzia. Aurrez, beste bi arau onartu zituen Foru Aldundiak, eta biak ala biak baliogabetu zituzten epaitegiek (EAEko Auzitegi Nagusiak, aurrena; eta Gorenak, ondoren) garraiolarien artean "diskriminazioa" sortzen zuela argudiatuta. Hori saihestea izan du helburu hirugarren arau horrek, Aintzane Oiarbide Bide Azpiegituretako foru diputatuak prentsaurrekoan azaldu duenez. "Foru arau berri honek gure lurraldea zeharkatzen duen edozein garraiolariren eta bertako garraiolarien arteko edozein diskriminazio saihestuko du. Ibilbide guztia, bi errepideetan, ordainpekoa izango da", adierazi du.
Hala, N-1 eta A-15 errepideetako 76,352 kilometroak erabiltzearren ordaindu beharko dute kamioilariek (orain arte, hiru puntutan eta 19,18 kilometro erabiltzeagatik pagatzen zuten). Horretarako 109 arku-erdi edo banderola eta lau arku berri jarriko dituzte (hiru N-1ean, Itsasondon, Tolosan eta Lasarte-Orian, eta laugarrena A-15ean, Ondoilar tuneletik gertu), jada paratuta dauden beste hirurez gain —Etzegarate (N-I), Andoain (N-I) eta Astigarraga (A-15)—. Kobrantza sistema "free-flow" delakoan oinarritzen da, bidesaria ibilgailua gelditu gabe ordaintzeko modua ematen duena.
3,5 tona baino gehiagoko garraio-kamioei bakarrik ezarriko zaie bidesaria. Zehazki, 1 kategoriako kamioiek (3,5-12 tonakoak) 0,22 euro ordainduko dituzte kilometroko, eta 2 kategoriako kamioiek (12 tona edo gehiagokoak), 0,28 euro kilometroko.
Europako zuzentarauek ezarritakoari jarraikiz, Aldundiak nahi du Gipuzkoa zeharkatzen duten ibilgailu astun guztiek ahalmen handiko bideen mantenu kostua ordaintzea, ez bakarrik gipuzkoarrek (zerga bidez).
Orain arte kamioilariek ordaindutako bidesariak itzuliko dituzten galdetuta, Oiarbidek esan du "ofizioz" ez dutela dirurik bueltatuko, kobrantzak ez direlako "legez kanpo egin". Hala, kamioilari bakoitzak jo beharko du Aldundira itzulketa eskatzeko, eta erakundeak banan-banan aztertuko ditu kasuak.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metroko
Nafarroaren aurretik (% 6,4) dago etxebizitza berrien prezioaren urte arteko igoeran. Hiriburuen arabera, batez besteko preziorik altuena Donostian dago, gero Bilbon eta azkenik Gasteizen.
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".