Renfen zortzi eguneko grebari ekin diote gaur
Goizarekin bat ekin diote Renfen SEMAFek (Tren Makinisten eta Laguntzaileen Espainiako Sindikatua) deitutako zortzi eguneko grebari.
Greba egunak izango dira biharkoa eta urriaren 4, 5, 8, 11 et 12a ere. Hori dela eta, Hego Euskal Herrian hainbat tren zerbitzu bertan behera geldituko dira eta atzerapenak ere izan daitezke, bai aldirikoak, bai eta distantzia ertain eta luzekoak ere. Salgaien garraio zerbitzuei ere eragingo die.
Aldirietako zerbitzu minimoak % 75ekoak izango dira puntako orduetan eta % 50ekoak gainerako orduetan; distantzia ertaineko trenen % 65 baino ez dira aterako; abiadura handiko eta distantzia luzeko zerbitzu minimoak % 72koak izango dira eta % 24koak salgaien garraioan.
Renfek jakinarazi du greba egun hauei begira bezeroenganako informazio eta komunikazio bideak eta arreta zerbitzuak indartu dituela.
Enplegu plana betetzeko eskaera
Gidarien kolektiboaren % 85 ordezkatzen duen makinisten sindikatuak grebara jo du, besteak beste, enplegu plana nahiz autonomia erkidego batzuekin eskumenak eskualdatzeko akordioak betetzea eskatzeko.
Gainera, SEMAFek RENFEri leporatu dio osasun krisia baliatu izana trenak kentzeko eta erakunde publikoan 700 lanpostu inguru murrizteko; hori dela eta, pandemiak iraun bitartean desagerrarazitako lanpostuak eta zerbitzuak berreskuratzea eskatu du.
SEMAFen grebak urriaren 1, 4, 5, 7, 8, 11 eta 12rako Trenbide Sindikatuak "Renferen egoera kaotikoa" salatzeko deitutako lanuzte partzialekin bat egingo du uneka.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.