CAFek 168.800 euro pasatxo ordaindu beharko dizkio amiantoagatik hil zen behargin baten familiari
Donostiako epaitegi batek Beasaingo Construcciones y Auxiliar de Ferrocarriles (CAF) enpresa zigortu du eta amiantoagatik hil zen langile baten familiari 168.841 euro ordaindu beharko dizkio kalte ordain gisa, amiantoren eta beste toxiko batzuen eraginpean segurtasun neurri barik lanean edukitzeagatik.
Asviamie Euskadiko Amiantoaren Biktimen Elkarteak ohar batean jakinarazi du Donostiako 5. zenbakiko lan arloko Epaitegiak emandako epaia. Biriketako minbiziak jota hil zen beharginaren familiak salaketa aurkeztu zuen enpresa gipuzkoarraren kontra. Konpainiak kalte ordaina erdira murrizteko eskatu zuen, langilea erretzailea zelako eta erretzeak minbizia eragiten duela argudiatuta.
Elkartearen hitzetan, langileak 30 urtez (1965etik 1995era) jardun zuen CAFen margolari gisa, amiantoz estalitako trenetako bagoien artean. Beharginari lanerako ezintasun osoa aitortu zioten, "margoen lurren eraginpean lan egiteagatik garatutako gaixotasunagatik".
Gizona 2020ko irailean zendu zen, eta autopsian jaso zutenez, heriotza eragin zion gaixotasun nagusia "IV. estadioko biriketako neoplasia" bat izan zen. Espainiako Gizarte Segurantzak, autopsia hori eskuan, onartu zuen langilearen heriotza eragin zuen gaitza lanbide-gaixotasun batetik eratorria izan zela.
Asviamie elkartea "pozik" azaldu da epaiak "amiantoaren arautegia urratu zuten enpresek urteetan erabili duten tabakoaren aitzakia zapuztu" duelako.
"CAFek eta beste enpresa urratzaile handi batzuek barkamena eskatu beharko lukete eragindako minagatik, eta amiantoaren biktimei erreparazioa aitortzeko Konpentsazio Funtsa berehala sortzen lagundu beharko lukete", azpimarratu du Asviamiek.
Zure interesekoa izan daiteke
Pirinio Atlantikoetako prefektak debekatu egin ditu datozen orduetarako deituta zeuden laborarien protesta guztiak
Ipar Euskal Herriko laborarien asmoa zen protestak asteazkenera arte luzatzea, baina Jean-Marie Girier prefetaren ohartarazpenak egoera alda lezake. Jakinarazi dutenez, datozen orduetan emango dute azken erabakiaren berri.
Balenciaga ontziolako beharginak astelehen honetan itzuliko dira lanera
Abu Dhabi Ports arabiar taldearen agindupean arituko da aurrerantzean Zumaiako ontziola. Abenduan itxi zuten langileek eta arabiar taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.
Laborarien protestak ez dira amaitu Ipar Euskal Herrian, eta A-63 errepidea itxita dago oraindik
Sindikaturik gabeko Ultra 63 mugimenduko langileek Mercosurren akordioa eta dermatosi nodularraren kontra akabatze masiboak bertan behera uzteko eskatu dute. Laborariak Pirinio Atlantikoetako prefetarekin bildu dira, eta batzar emankorra izan da, baina protestekin jarraitzea ebatzi dute.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.